2023-2025 jyldar aralyǵynda 588 mektep salý josparlanyp otyr.
Qarjy mınıstri Erulan Jamaýbaev Úkimet otyrysynda Prezıdenttiń tapsyrmalaryn dereý oryndaýdy qamtamasyz etý úshin birqatar shara qabyldanǵanyn málimdedi, dep habarlaıdy Almaty-akshamy.kz Baq.kz silteme jasap.
Sonyń biri qurylys salasyndaǵy memlekettik satyp alýdy jetildirý boıynsha. Mınıstr qurylys jumystaryn oryndaý úshin jetkilikti materıaldyq resýrstary bar merdigerlerdi irikteý maqsatynda menshikti qurylys tehnıkasynyń bolýy týraly mindetti talap belgileýdi usyndy.
«Ol úshin mamandandyrylǵan tehnıkanyń biryńǵaı bazasyn qurý josparlanýda. Bul olardyń bar-joǵyn avtomatty túrde tekserýge múmkindik beredi. Mundaı sharalar qurylys jumystaryn oryndaý úshin óziniń bazalyq tehnıkasy joq merdigerlerdi irikteýden ótkizbeıdi», - dedi mınıstr.
Budan basqa, memlekettik satyp alýda jáne kvazımemlekettik sektor sýbektileriniń satyp alýynda qurylys jumystaryn qosalqy merdigerlikke zańsyz berýdi shekteý maqsatynda kelesi jaǵdaılarda Satyp alý týraly shartty buzý múmkindigi qarastyrylady:
- qosalqy merdigerlerge jumystardyń shekti kóleminen asqan kezde;
- tapsyrys berýshimen kelisilmegen qosalqy merdigerlerdi tartý kezinde.
Sonymen qatar ol «Qolaıly mektep» ulttyq jobasy sheńberinde oqýshy oryndarynyń tapshylyǵyn sheshý úshin 2023 - 2025 jyldar aralyǵynda 588 tolyq jınaqty mektep salý josparlanyp otyrǵanyn aıtty. Qurylys obektileriniń qunyn esepteý jańa tehnıkalyq tapsyrmaǵa jáne 1 oqýshy ornyna shyǵystarǵa sáıkes anyqtalypty.
Sondaı-aq ol «Aýyldyq densaýlyq saqtaýdy jańǵyrtý» ulttyq jobasy boıynsha aıtyp ótti.
«Aýyldyq densaýlyq saqtaýdy jańǵyrtý» ulttyq jobasyn iske asyrýǵa aldyn ala qajettilik 215 mlrd teńgege jýyq somany quraıdy. Bul rette, osy is-sharalardy iske asyrýǵa arnalǵan shyǵystar kólemi jalpy sıpattaǵy transfertterdi jáne 2023-2025 jyldarǵa arnalǵan respýblıkalyq búdjetti qalyptastyrý sheńberinde qosymsha pysyqtalady»,-dedi Erulan Jamaýbaev.
Mınıstr sondaı-aq Memleket basshysynyń salyq jáne búdjet saıasatyn jetildirý jónindegi tapsyrmasy Ulttyq ekonomıka mınıstrligimen jáne Strategıalyq josparlaý jáne reformalar jónindegi agenttikpen birlesip iske asyrylatynyn jetkizdi.