Bazalyq mólsherleme deńgeıin qaıtadan qaraý kerek.
Bul týraly QR Premer-Mınıstriniń orynbasary – Qarjy mınıstri Erulan Jamaýbaev aıtty, dep habarlaıdy Almaty-akshamy.kz QazAqparatqa silteme jasap.
«Ulttyq bank Úkimetpen birlesip, bazalyq mólsherleme deńgeıin qaıta qaraýy kerek», - dedi E. Jamaýbaev Májilistiń jalpy otyrysynan keıin tilshiler saýalyna jaýap bere otyryp.
Osy oraıda ol bul máseleni depýtattar da kótergenin atap ótti.
«Bazalyq mólsherleme ekonomıkadaǵy barlyq stavkaǵa yqpal etedi, onyń ishinde depozıtter, nesıeler, kýpondy baǵaly qaǵazdar men basqalary boıynsha áseri bar. Bir jaǵynan, Ulttyq bank ınflásıany tejeý úshin joǵary deńgeıde ustap turý kerek ekenin alǵa tartsa, biz onyń deńgeıin qaıta qaraý kerek ekenin aıtyp otyrmyz. Sebebi qazir teńgeniń dollarǵa qatysty baǵamy turaqtanyp, burynǵy deńgeıinde qalyptasa bastady», - dedi mınıstr.
Bul turǵyda ol ekonomıkanyń ósimin qamtamasyz etý úshin tıisti trendti qurý qadamdaryna kóshýdiń mańyzdylyǵyn aıtty.
«Tıisti paıyzdyq mólsherlemesiz ekonomıkany nesıeleýge qarajatty tarta almaımyz. Sondyqtan atalǵan deńgeıdi tómendetken durys bolady», - dedi Erulan Jamaýbaev.