Qarbyz – tátti, dámdi jáne kópshiliktiń súıikti jemisi, ony tutyný densaýlyqqa úlken paıda ákeledi. Kóptegen adamdar ony jemis nemese kókónis dep sanaıdy, shyn máninde, bul – jıdek.
Qarbyz – vıtamınder kózi jáne onyń paıdaly qasıetteri kóp:
- shóldi jáne ashtyqty basady;
- júıke jáne júrek-qan tamyrlary júıeleriniń jumysyna oń áser etedi;
- zár aıdaıtyn jáne ót aıdaıtyn qasıetteri bar;
- ishek motorıkasyn qalypqa keltiredi.
Qarbyzdyń quramynda V tobynyń vıtamınderi, askorbın qyshqyly, kómirsýlar, temir, magnıı jáne ósimdik talshyqtary bar. Jemistiń 90%-y sýdan turady jáne ol tamasha zár aıdaıtyn qural bolyp tabylady.
Pektın men talshyqtardyń bolýy ishek motorıkasyn jaqsartady. Qarbyzdyń paıdaly qasıetteri aǵzadaǵy bıohımıalyq prosesterdi retteýge jaqsy áser etedi, artrıt pen podagra aýrýlaryn emdeýge kómektesedi.
Qarbyz jemisterin hırýrgıalyq operasıalardan keıingi qalpyna kelý kezeńinde rasıonǵa engizýge bolady. Qarbyzdyń jumsaǵy – tamasha ót aıdaıtyn qural.
Ońtústik jemisin kalorıasy az dıeta ustanatyn adamdarǵa tutyný paıdaly, sebebi 100 g qarbyzda bar bolǵany 30 kkal bar.
Qarbyzdy qalaı tańdaý kerek?
Jarylǵan jáne aldyn ala kesilgen qarbyzdardy satyp almaǵan jón, óıtkeni ishine qaýipti mıkrobtar men bakterıalar ońaı túsip, adam aǵzasyna zıan keltirýi múmkin.
Ońtústik jemisti durys tańdaýdy úırený mańyzdy. İshindegi sary talshyqtar, óte ashyq qyzyl tús jáne jemistiń jyltyr beti onyń quramynda nıtrattardyń kóp ekenin kórsetedi. Mundaı qarbyzdan paıda joq, kerisinshe ol aǵzaǵa úlken zıan tıgizedi.
Nıtrattarmen ýlaný álsizdik, júrek aınýy, uıqysyzdyq jáne qyzba týdyrady. Bas aınalý, qusý jáne asqazannyń buzylýy sıaqty ýlaný belgileri paıda bolǵan jaǵdaıda dereý medısınalyq kómekke júginý qajet.
Tamyz – eń «qarbyzdyń» ýaqyty, osy tamasha jıdekten dám tatyp, aǵzańyzdy nyǵaıtyp úlgerińiz!