Elordada qaraýsyz qalǵan maldar úshin aıyp turaǵy ashyldy
Nur-Sultan qalasynda kóshede beı-bereket júrgen maldar aıyp turaǵyna jetkiziletin bolady, dep habarlaıdy almaty-akshamy.kz QazAqparatqa silteme jasap.
«Jergilikti polısıa qyzmeti basqarmasy QR Aýyl sharýashylyǵy mınıstrligi Veterınarıalyq baqylaý jáne qadaǵalaý komıtetiniń Nur-Sultan qalasy boıynsha aýmaqtyq ınspeksıasymen jáne elordanyń aýdandyq ákimdikterimen birlesip, QR Ákimshilik quqyq buzýshylyq týraly kodeksiniń 406, 408-baptary boıynsha janýardyń menshik ıesin ákimshilik jaýapkershilikke tartý jóninde komısıalyq sheshim qabyldaıdy. Atalǵan baptar elorda aýmaǵynda maldy beı-bereket jaıý faktisin anyqtaý jaǵdaılaryna qatysty», - delingen qala ákimdiginiń resmı saıtynda.
Málim bolǵandaı, janýar ıesiniń jeke basy jáne mán-jaı anyqtalǵanǵa deıin qaraýsyz qalǵan aýyl sharýashylyǵy janýarlary Nur-Sultan qalasy, Alash tasjoly, 72 mekenjaıynda ustalatyn bolady.
«Janýarlardy ıesine qaıtarǵan kezde, ıesi sol aralyqqa deıingi shyǵyndy óteýi tıis. Bul sharalar qaraýsyz qalǵan janýarlardyń saldarynan bolatyn jol-kólik oqıǵalarynyń, sondaı-aq maldy urlaý men zańsyz ótkizý faktileriniń aldyn alýǵa múmkindik beredi», - dedi ákimdikten.
Tolyq aqparat alý úshin myna telefondarǵa habarlasýǵa bolady: 8(7172)55-68-96, 8(7172)28-59-70.