Alataý aýdanynda qatty jaýyn-shashyn kezinde sý basatyn 18 ýchaske anyqtaldy.
Búgingi tańda tótenshe jaǵdaı jelisi boıynsha onyń 10-y joıyldy, dep habarlaıdy Almaty-akshamy.kz.
Anyqtama úshin: aryq jelilerin salý jáne rekonstrýksıalaý – 1,2 km, kolektordy tazartý – 8,4 km jáne kanaldardy tazartý – 3,9 km, sý burý arnalaryn salý – 6,5 km, Boraldaı ózeniniń jaǵalaýyn nyǵaıtý – 671 m.
Qalanyń batys bóliginde jalpy uzyndyǵy 49 km bolatyn 59 kóshe boıynsha aryq jelisi men nóser kanalızasıasyn salý jáne rekonstrýksıalaý jobasyn iske asyrý sheńberinde qalǵan 8 sý basý ýchaskesi jyl sońyna deıin joıylady (osy jyldyń maýsym aıynyń sońynda merdiger uıymdar anyqtaldy, shilde aıynda jumys bastaldy).
«Qarasý» kólin mehanıkalyq tazartý jumystary júrgizilýde. Sý aǵyzý qurylystaryn salý jáne uzyndyǵy 40 m (dıametri 280 mm) jol astynan tesý júzege asyrylýda. Búgingi kúni 5 myń m3 tunba shógindileri shyǵaryldy. Jumystardy osy jyldyń qyrkúıek aıynyń sońynda aıaqtaımyz.
«Ójet» shaǵyn aýdanyndaǵy toǵan boıyndaǵy jasyl aımaq (16 ga) jáne Boraldaı ózeniniń jaǵalaýyndaǵy jaıaý júrginshiler serýendeý aımaǵynyń (24 ga) qurylysy bastaldy. Eki jobany 2024 jyldyń II-shi toqsanynda paıdalanýǵa berý josparlanýda.
«Qarasý» shaǵyn aýdany turǵyndarynyń kóptegen ótinishteri boıynsha aýdan ákimdigi Baǵanaly Orda kóshesinde jaıaý júrginshiler aımaǵyn salý josparlanýda. Joba merdiger uıymdy aıqyndaý satysynda. Jobany iske asyrý tamyz aıynyń sońyna deıin bastalady, bıylǵy jyldyń qarasha aıynda aıaqtalady.
Sonymen birge, «Zerdeli» shaǵyn aýdanynda dene shynyqtyrý-saýyqtyrý kesheniniń qurylysy júrgizilýde. Ony osy jyldyń qyrkúıek aıynyń sońyna deıin aıaqtaý josparlanýda.