Elimizde «Úzdik pedagog» respýblıkalyq baıqaýy aıaqtalýǵa jaqyn.
Oǵan menshik nysanyna jáne vedimistik baǵynystylyǵyna qaramastan mektepke deıingi, orta, tehnıkalyq jáne kásiptik bilim berý uıymdarynyń shtattyq pedagogıkalyq qyzmettegi ustazdazdar qatysty, dep habarlaıdy Almaty-akshamy.kz.
Oqý-aǵartý mınıstrliginiń málimetinshe, respýblıkalyq kezeńniń qorytyndysy boıynsha 64 jeńimpazǵa «Úzdik pedagog» sertıfıkaty, «Úzdik pedagog» tósbelgisi jáne 1 000 AEK – 3 450 000 teńge aqshalaı syılyq beriledi.
Aıta keteıik, baıqaý aýdandyq, oblystyq, respýblıkalyq úsh kezeń boıynsha ótti. Úmitkerdiń pedagogıkalyq qyzmettegi joǵary jetistikteri men konkýrsqa qatysý kezeńinde keminde bes jyl úzdiksiz pedagogıkalyq tájirıbesi bolýy shart.
Baıqaýdyń birinshi kezeńine qatysý úshin 961 ótinish kelip tústi, onyń ishinde 461 pedagog oblystyq kezeńge ótti. Baıqaýdyń ekinshi kezeńiniń qorytyndysy boıynsha jeńimpazdar úshinshi kezeńge ótti. Respýblıkalyq baıqaýdyń aqtyq kezeńi bıylǵy jyldyń qarasha aıynda ótedi.