«BIR TOLQYNDA» dıalog alańynyń kezekti otyrysynda jastar belsendileri Qazaqstan Respýblıkasynyń Prezıdenttigine kandıdat Qasym-Jomart Toqaevtyń saılaýaldy baǵdarlamasyn talqylady.
«Jastar Rýhy» belsendisi Aıda Qalýova Qasym-Jomart Toqaevtyń bilim berý jáne jastar saıasaty salasyndaǵy bastamalaryna basa nazar aýdardy.
«Jastardyń problemalaryn ózderinen artyq eshkim bilmeıdi, sondyqtan olardyń ózekti máselelerin sheshýde sizderdiń pikirlerińizdi elemeýge bolmaıdy. Sapaly bilim – jastardyń tabysynyń, elimizdi alǵa jyljytatyn talantty mamandardyń qalyptasýynyń kepili. Qazaqstandyq jastardyń ózderin eń belsendi saılaýshylar retinde kórsetetinine senimdimin», - dedi ol.
«Jastar Rýhy» jastar qanatynyń elordadaǵy fılıalynyń tóraǵasy Arslanbek Maǵzumnyń pikirinshe, jastardyń ózin-ózi tanýy úshin ekonomıkalyq jáne áleýmettik jaǵdaılar jasalýy tıis.
«Jastardyń aldaǵy prezıdenttik saılaýǵa degen qyzyǵýshylyǵy olardyń el isine aralasýǵa daıyndyǵyn, saılaý prosesterine degen ózindik kózqarasy qalyptasqanyn kórsetedi. Daýys berý quqyǵy úlken jaýapkershilik ekenin túsiný mańyzdy jáne tańdaý ımpúlsıvti emosıonaldy sheshim emes, sanaly jáne utymdy bolýy kerek», – dedi ol.
Aıta ketý kerek, «Bir Tolqynda» dıalog alańynyń otyrystary elimizdiń barlyq óńirinde ótti.