Qalanyń «dızaın kodyna» otandyq qurylys materıaldaryn engizý josparlanýda.
Bul megapolıstegi shaǵyn jáne orta bıznestiń damýyna aıtarlyqtaı áser etti. Baǵdarlamany iske asyrýdyń egjeı-tegjeıin Almaty qalasy Kásipkerler palatasynyń dırektory Aıtýar Qoshmambetov Óńirlik komýnıkasıalar qyzmeti alańynda sóılegen sózinde aıtyp berdi, dep habarlaıdy Almaty-akshamy.kz
Bıylǵy jyly osy baǵdarlama boıynsha 42,7 mlrd teńge somasyna 27 joba qarjylandyrylyp, maquldandy. Súıemeldenetin jobalardyń ishinde óńdeýshi ónerkásip salasy jetekshi orynda – 70%, odan ári qyzmet kórsetý salasy.
Aıtýar Qoshmambetov mynadaı mysaldar keltirdi: sýsyndar men tamaq ónimderin óndiretin RG Brands Kazakhstan kásipornyna tońazytqysh jabdyqtaryn satyp alý úshin 4,3 mlrd teńge somasynda kredıt berildi, sýsyndar óndiretin «Jıgalma» JSHS aınalym qarajatyn tolyqtyrý úshin 1 mlrd teńge somasynda nesıe aldy.
Budan basqa, ol bıyl almatylyq óndirýshiler pýly qurylǵanyn eske saldy. Olarmen birge problemalardy anyqtaý jáne óndirýshilerdiń naqty júktemesi úshin qala ákiminiń orynbasarlary óndiris oryndaryn birlesip aralaıdy. Jergilikti atqarýshy organdarmen birlesip, 30-dan astam otandyq kásiporyndardyń jumysy qaraldy.
Aıtýar Qoshmambetov 2021 jyly Almatyda jergilikti ónim shyǵarýdy belsendi qoldaǵanyn aıtty. Mysaly, otandyq óndirýshiler arasynan 400 mln teńge somasyna mektep jıhazyn jetkizýge konsorsıýmmen kelisimshart jasaldy. Taǵy bir «Sklad OV» kásiporny 50,6 mln teńge somasyna 19 myń seksıa radıatoryn jetkizýge kelisimshart jasady. «Almatylıft» kompanıasy 449 mln teńgege 46 lıft shyǵardy.
Kásipkerler palatasynyń dırektory «Almaty bas jospary» ǴZI» JSHS-men birlesip, Almaty qalasy boıynsha qurylys materıaldarynyń katalogy jasalatynyn aıtty. Qalanyń «dızaın kodyna» otandyq qurylys materıaldaryn engizý josparlanýda.