Bıyl Qaraǵandy oblysynyń 106 aýyldyq mektebi StarLink ınternetine qosyldy.
Osylaısha, óńirde joǵary jyldamdyqty ınternetpen qamtý 100% ǵa jetti, dep habarlaıdy aqshamnews.kz
Bul týraly pedagogtarǵa arnalǵan oblystyq tamyz konferensıasynda málim boldy.
«Keń jolaqty ınternetke qoljetimdilik balalardyń turǵylyqty jerine qaramastan – aýyldyq jerde nemese qalada bolsyn sapaly bilim berý kontentin alý boıynsha keń múmkindikter ashady», -dep atap ótti oblys ákimi Ermaǵanbet Bólekpaev.
Sonymen qatar, óńir mektepterin kompúterlendirý tórtten bir bólikke ulǵaıtyldy. 9 myń zamanaýı kompúter satyp alyndy. Bul jumys jalǵasady.
Jabdyqtardy jańartý Qaraǵandy oblysynyń mektep bilimine zamanaýı tehnologıalardy engizýge múmkindik beredi. Digital matematika jáne BilimTest jobalary iske asyrylýda.
Jasandy ıntellektti qoldanatyn sıfrlyq platformalar oqytýdy tıimdirek etedi.
Mysaly, Digital matematika oqýshylarǵa taqyryptardy óz betinshe úırenýge, praktıkalyq tapsyrmalardy oryndaýǵa, bilimdegi olqylyqtardy joıýǵa múmkindik beredi. Interaktıvti júıe eki tilde jumys isteıdi.
BilimTest mobıldi qosymshasy ártúrli synaq test jáne paıdaly oqý materıaldaryna qol jetkizýge múmkindik beredi.
Bıyl ElSkills jobasyn iske qosý josparlanýda. Ol muǵalimderdi basqalardyń emosıalaryn tanýǵa jáne óz emosıalaryn basqarýǵa úıretýge baǵyttalǵan.