Jaqynda tenısten dúbirli doda shymyldyǵyn túrmek
Ulttyq Olımpıada komıteti dereginshe, Qaraǵandy qalasynda áıelder arasynda alǵash ret eki ITF W25 týrnıri ótedi, dep habarlaıdy Almaty-akshamy.kz.
Qazaqstan tenıs federasıasy málim etkenindeı, jalpy júlde qory – 50 myń AQSH dollary. Jarystar Qaraǵandyda ótken jyldyń kúzinen jumys jasaı bastaǵan jańa tenıs ortalyǵynda 18-24 jáne 25-31 qazan aralyǵynda bolady.
Jekeleı synda Qazaqstannan Gózal Aınıtdınova, Jibek Qulambaeva, Ekaterına Dmıtrıchenko baq synaıdy. Sonymen qatar birneshe jas tenısshi uıymdastyrýshylardan arnaıy shaqyrtý almaqshy.
Dodaǵa reseılikter - álemniń 133-inshi jáne 195-raketkalary Vıtalıa Dáchenko men Marıa Melnıkova, sondaı-aq Belarýs ókili Iýlıa Gotovko, nıderlandylyq Súzan Lamens qatysady.
Atalmysh tenıs ortalyǵy halyqaralyq talaptarǵa tolyq sáıkes keledi. Onda 11 kort (jeteýi jabyq) ornalasqan.