Atraksıon meımanhananyń shatyrynda ornatylǵan.
Qaraǵandyda 25 metr bıiktikten «tarzankadan» sekirgen áıel kóz jumdy, dep habarlaıdy Almaty-akshamy.kz QazAqparat agenttigine silteme jasap.
Oqys oqıǵanyń vıdeosy Instagram jelisinde tarap ketti.
Qaıǵyly jaǵdaı «Sozvezdıe» qonaq úıiniń aýmaǵynda bolǵan. Atraksıon meımanhananyń shatyrynda ornatylǵan.
33 jastaǵy áıel 25 metr bıiktikten sekirip, jerdegi beton konstrýksıaǵa soǵylǵan. Ol óte aýyr jaǵdaıda shuǵyl aýrýhanaǵa jetkizildi.
«Naýqasqa tez arada operasıa kerek boldy. Áıeldiń basyndaǵy gematomalardy joıý úshin bas súıegine ota jasaldy. Júrgizilgen emdeý sharalaryna qaramastan, naýqas qaıtys boldy», - dep habarlady Qaraǵandy oblysynyń densaýlyq saqtaý basqarmasy.
Qazirgi ýaqytta qaıǵyly jaǵdaıdyń mán-jaıy anyqtalyp jatyr.