Ustalǵandardyń birinen qarý tárkilendi.
Qaraǵandyda arnaıy operasıa kezinde 17 adam ustaldy, dep habarlaıdy Almaty-akshamy.kz QR İİM-ge silteme jasap.
«19 jeltoqsan kúni saǵat 13:00 shamasynda Qaraǵandydaǵy temirjol vokzalynyń aldynda Uıymdasqan qylmysqa qarsy kúres jáne «Arlan» arnaıy maqsattaǵy qyzmetkerleri qala turǵyndary tarapynan jasalǵan buzaqylyq áreketterdiń jolyn kesti, 17 adam ustaldy», - delingen habarlamada.
Sonymen qatar kúdiktilerdi ustaý kezinde olardyń biri oqıǵa ornynan qashyp bara jatqanda qyzmettik kólikti soǵyp ketken.
«Sondaı-aq ustalǵandardyń birinen qarý tárkilendi. Kúdiktiler oqıǵanyń mán-jaıyn anyqtaý úshin polısıaǵa jetkizildi», - dep kórsetti mınıstrliktiń baspasóz qyzmeti.