Qaraǵandy oblysy feroqorytpa zaýytynda bolǵan tótenshe jaǵdaıdyń mán-jaıyn anyqtaý úshin arnaıy komısıa quryldy.
Komısıa quramyna barlyq ýákiletti memlekettik organdardyń ókilderi bar. Olar oqıǵa ornyn tekserip, kýágerlerge saýalnama júrgizgen. Al zardap shekken jumysshylardyń jaǵdaıy áli aýyr. Qosymsha medısınalyq kómek kórsetý úshin, Qaraǵandyǵa Ulttyq travmatologıa jáne ortopedıa ǵylymı ortalyǵynyń basshysy bastaǵan bir top dáriger bardy, dep habarlaıdy almaty-akshamy.kz.
Odan bólek, jumys berýshi kompanıa Reseıden arnaıy mamandar aldyryp, Túrkıa, Izraıl dárigerlerimen onlaın júıesinde beıne keńes uıymdastyrýda. 20 shilde kúni zaýytta tótenshe jaǵdaı bolyp, 8 adam zardap shekti. «Abaısyzda densaýlyqqa aýyr zıan keltirýge ákep soqqan eńbekti qorǵaý erejelerin buzý» boıynsha qylmystyq is qozǵaldy.
Esterińizge sala keteıik, Qaraǵandyda feroqorytpa zaýytynda peshten kenetten jalyn shyqqan bolatyn.