Ár otbasynyń máselesi jekeleı sheshiledi.
Qaraǵandy oblysynyń ákimi jarylys bolǵan shahtaǵa baryp, jaǵdaıdy óz baqylaýyna alýǵa ýáde berdi, dep habarlaıdy Almaty-akshamy.kz
Óńir ákimi bul kúndi qaıtys bolǵan kenshilerdiń týystary men jaqyndaryna barýdan bastaǵanyn jazdy.
"Olarǵa kóńil aıtyp, qoldaý bildirdim. Memleket basshysynyń tapsyrmasy boıynsha oblys ákimdigi otbasylarǵa materıaldyq qoldaý men jerleý rásimderin uıymdastyrý jáne ózge de qajetti kómek kórsetý sharalaryn iske asyrý úshin jedel tártipte jumys jasap jatyr", - dep jazdy ol Facebook-tegi paraqshasynda.
Ákimniń sózinshe, ár otbasy kótergen máseleler jekeleı sheshiledi.
"Bul másele meniń jeke baqylaýymda. Men sizderdi qabyldanǵan sharalar týraly habardar etip otyramyn", dedi Ermaǵanbet Bólekbaev.