Qaraǵandy oblysynda aýyl ákimderin saılaý 13 aýylda, 17 kentte jáne 45 aýyldyq okrýgte jalpy, 149 saılaý ýchaskesinde ótýde.
Oblystyq saılaý komısıasy tóraǵasynyń orynbasary Mádına Apıevanyń aıtýynsha, aýyl ákimi bolýǵa 303 kandıdat usynylyp, 257 kandıdat tirkeldi, dep habarlaıdy Almaty-akshamy.kz
Búgingi tańda saılaýshylar tiziminde 80 myńnan astam azamat bar. Saılaý komısıalarynyń quramynda 952 múshe tirkelgen.
Saılaýshylardyń saılaý ýchaskelerine kelýi týraly aqparat aýmaqtyq saılaý komısıalarynyń ınternet-paraqshalarynda, sondaı-aq oblystyq saılaý komısıasynyń saıtynda, «saılaý» bóliminde usynylǵan jáne ol árbir eki saǵat saıyn jańartylyp otyrady.