Qulaıyn dep turǵan 660 aǵash kesildi.
Kesilgen aǵashtardyń ornyna 100 kóshet otyrǵyzylyp, qarasha aıynyń sońyna deıin jalpy sany 2,5 myńǵa deıin jetkiziletin bolady, dep habarlaıdy Almaty-akshamy.kz
Almaty qalasy ákimdigi jyl sońyna deıin 2 qoǵamdyq keńistikti: «Qazaqstan-Brıtan tehnıkalyq ýnıversıtetiniń» tómen jaǵyndaǵy skverdi jáne K. Baıseıitova atyndaǵy jaıaý júrginshiler kóshesin jańǵyrtýdy aıaqtap, Qurmanǵazy – Abylaı han – Shevchenko – Panfılov kósheleriniń bóliginde taǵy bir parkti ashady.
Jyl basynan beri «Nurly jer» memlekettik baǵdarlamasy boıynsha 25 úıdegi 60 lıft jabdyǵy aýystyrylyp, 4 úıdiń jalpy múlki (shatyry, qasbeti jáne t.b. «Nurly jer» baǵdarlamasy boıynsha qaıtarymdy negizde) jóndeldi.
2022 jyldyń sońyna deıin qosymsha 2 úıde taǵy 3 lıft aýystyrylady jáne 8 úıde ortaq paıdalanylatyn múlik jóndeledi.
Búgingi kúni ákimdik 2 aýlany (Chaıkovskıı kóshesi, 25 jáne Shagabýtdınov kóshesi, 45) kúrdeli jóndeýden ótkizdi, qalǵan 3 aýla (Abaı dańǵyly, 163, Túrkebaev kóshesi, 42, Tóle bı kóshesi, 273/4) osy jyldyń 15 qarashasyna deıin aıaqtalady.
Bıyl 40 shaǵyn qabatty turǵyn úıdiń fasady jóndeldi jáne 15 qarashaǵa deıin qalǵan 4 fasad (jergilikti atqarýshy organnyń qarajaty esebinen) jóndeledi.
Almaly aýdany qalanyń tarıhı ortalyǵy ǵana emes, sonymen qatar onyń eń jasyl aýdandarynyń biri. Aýdannyń jasyl qory shamamen 223 myń aǵashty quraıdy, onyń 25%-ti apatty nemese aýyr jaǵdaıda.
Jasyl qordy jasartý jáne jańartý baǵdarlamasy sheńberinde 5 400 aǵash sanıtarlyq maqsatta kesildi. Aýla aýmaqtarymen birge ortaq paıdalanylatyn jerlerdegi avarıalyq jaǵdaıdaǵy 660 aǵash kesildi.
Jyl sońyna deıin taǵy 490 avarıalyq jaǵdaıdaǵy aǵash kesiledi.
Kesilgen aǵashtardyń ornyna Almaly aýdanynyń aýmaǵynda 100 kóshet otyrǵyzylyp, qarasha aıynyń sońyna deıin olardyń jalpy sany 2,5 myńǵa deıin jetkiziletin bolady.
Qoǵamdyq qaýipsizdikti qamtamasyz etý úshin osy jyldyń sońyna deıin: adamdar kóp jınalatyn oryndarǵa (118 kamera), aýlalarǵa (200 kamera) jáne kóshe qıylystaryna (223 kamera)
«Qoldanystaǵy 947 kameraǵa eseptelgen 177 «Sergek» avtomattandyrylǵan-baǵdarlamalyq keshenine qosymsha (44 – jelilik ýchaskelerde, 133 – kóshe qıylystarynda) 400 kameraǵa eseptelgen 38 «Sergek» avtomattandyrylǵan-baǵdarlamalyq kesheni (22 – jelilik ýchaskelerde, 16 - kóshe qıylystarynda) ornatylady. Jalpy, barlyq jumystar aıaqtalǵannan keıin Almaly aýdanyndaǵy kameralardyń jalpy sanyn 1 469 birlikke deıin kóbeıtemiz. Bıyl Ákimdik turǵyndardyń ótinishteri boıynsha jaryq ornatylmaǵan jerlerge qosymsha 40 kóshe jaryqtandyrý tiregin ornatyp, 6 kósheniń (Astana alańy, Panfılov, Arbat, Baızaqov, Mońǵol, Áıteke bı kósheleri, Jeltoqsan kóshesinen Baıtursynov kóshesine deıin) eski jaryqtary jańartyldy jáne osy jyldyń sońyna deıin taǵy 2 kóshe: Rozybakıev jáne Baıtursynov jańǵyrtylady. Bıyl «Halyq qatysatyn búdjet» baǵdarlamasy boıynsha Sizderdiń aýdandaryńyzda 800 mln. teńge somasyna 39 joba (100%) oryndaldy», dedi qala ákimi turǵyndarmen kezdesýde.
Avtosýǵarý júıesimen jabdyqtaý jumystary aıaqtaldy. «ARO», «AZTM» 2 skveri, sondaı-aq Abaı dańǵylynan Tóle bı kóshesine deıin Gagarın, Baıtursynov kóshesinen Sháripov kóshesine deıin Bógenbaı batyr jáne Abylaı han dańǵylynan Naýryzbaı batyr kóshesine deıin Qarasaı batyr kóshelerindegi býlvarlar keshendi túrde kógaldandyryldy.
Sondaı-aq 8 qoǵamdyq jáne 21 aýla oryndary abattandyryldy (1 sport jáne 1 balalar alańy, 1 ıtterdi serýendetýge arnalǵan alań, 3 kómilgen qoqys alańy salyndy,2 alańnyń rezeńke jabyny jańartyldy jáne 21 aýla jóndeldi).
2023 jylǵa daýys berý qorytyndysy boıynsha berilgen 171 usynystyń ishinen 800 mln. teńge somasyna 18 joba aldyn ala iriktep alyndy.