Reseılik stılıs Aleksandr Rogov qara tústi shulyqty 2023 jyldyń jańa trendi dep atady.
Bul týraly stılıs óziniń 132 myńnan astam oqyrmany bar Telegram-kanalyndaǵy postynda jarıalady, dep habarlaıdy Almaty-akshamy.kz.
Maman garderobtaǵy náskıdiń sán kórsetilimderiniń arqasynda ózekti bolǵanyn túsindirdi. Osylaısha ónimderi Prada jáne Valentino sıaqty sándi brendterdiń shoýy aıasynda usynyldy, dep atap ótti sarapshy. Sonymen qatar, ol óziniń bul sózderin manekenshileriniń sýretterimen kórsetti. Onda manekenshiler qara shulyqty ústine sholaq shalbar, plash, pıdjakpen, týflımen jáne lofermen úılestirip kıgen.
Sonymen qatar, birneshe kún buryn Telegram kanalynda jarıalaǵan postynda Rogov qara shulyq kıgen sýretin kórsetti jáne ony erekshe sándi dep atady. «Meniń sarapshylyǵym men boljaǵyshtyq qasıetime bireýdiń kúmáni bar ma?» - dep surady ol óz izbasarlarynan.
Maýsym aıynyń basynda reseılik stılıs Olga Skorokosova 2023 jyldyń jazyna arnalǵan eń sándi kıim tústerin ataǵan bolatyn. Sarapshy garderobta tańqýraı tústes kıimder sánde bolatynyn atap ótti. Ol sondaı-aq ashyq qyzyl, sary, jasyl jáne kók tústerdiń, sondaı-aq shabdaly, ashyq kók jáne ashyq jasyl tústerdiń ónimderin tańdaýǵa keńes berdi.