Bir dollar 438,5 teńge boldy.
KASE-degi saýda-sattyq ashylǵannan beri teńge baǵamy túsip, 438,5-ke jetti, dep habarlaıdy Almaty-akshamy.kz Inbusiness.kz cilteme jasap.
Al Brent markaly munaı baǵasy 0,3-0,4%-ǵa ósti.
Kóptegen qazaqstandyqtar munaı baǵasy eldiń makroekonomıkalyq kórsetkishteri úshin, sonyń ishinde teńgeniń turaqty valútalarǵa (AQSH dollary, eýro jáne t.b.) qatysty baǵamy úshin negizgi kórsetkish bolyp tabylatynyna úırenip qalǵan. Alaıda Ýkraınadaǵy jaǵdaı bastalǵannan beri biz munaı baǵasy nyǵaıǵan nemese quldyraǵan teńgege tikeleı yqpal etpeıtinin kórip otyrmyz. Iaǵnı, munaı baǵasy kóterilse de, teńge baǵamy álsireýi múmkin jáne kerisinshe.
«Munaı baǵasy teńge baǵamy úshin de, basqa munaı eksporttaýshy elderdiń baǵamy úshin de sheshýshi, biraq jalǵyz jáne túpkilikti faktor emes. Bir jaǵynan, geosaıası faktor (Reseı rýbliniń jaǵdaıy), ekinshi jaǵynan, AQSH dollarynyń jahandyq nyǵaıýy (dollar ındeksiniń qymbattaýy) asa mańyzdy kórsetkishterge aınalǵany sózsiz», – dep túsindirdi ekonomıs Ǵalymjan Aıtqazın.