Qazaqstandyqtar 5 maýsymda ótetin referendýmda daýys berý úshin Ashyq qosymshasyn qaıta paıdalanýy múmkin.
Bul týraly densaýlyq saqtaý vıse-mınıstri Aıjan Esmaǵambetova aıtty, dep habarlaıdy Almaty-akshamy.kz
«Referendým 5 maýsymda, ıaǵnı bir aıdan keıin ótkiziletinin eskere otyryp, referendým ótkiziletin kúni koronavırýs ınfeksıasynyń aldyn alý sharalary memlekettik sanıtarlyq dárigeriniń jeke qaýlysynda kórsetiledi jáne ár aımaqtaǵy epıdemıologıalyq jaǵdaıǵa baılanysty bolady.
Epıdemıologıalyq jaǵdaı kúrdelense, aýmaqtyq referendým komısıasynyń múshelerin vaksınalaý týraly qujattyq rastamasy bolsa ǵana saılaý ýchaskelerine jiberýge baǵyttalǵan qosymsha sharalar engiziledi», - dedi Esmaǵambetova Ortalyq saılaý komısıasynyń otyrysynda.
Onyń aıtýynsha, epıdemıologıalyq jaǵdaı asqynǵan jaǵdaıda qoldanylatyn qosymsha sharalarǵa saılaý ýchaskelerine kire beriste Ashyq qosymshasyn qoldaný, sondaı-aq maska taǵý rejımin saqtaý, dezınfeksıa quraldaryn qoldaný, áleýmettik ara qashyqtyqty saqtaý kiredi.