Olar – quqyqtyq tártip sarbazdary.
Búgin Qazaqstan Respýblıkasy Ulttyq ulany «Ońtústik» óńirlik qolbasshylyǵyna qarasty 5571 áskerı bóliminiń úzdik sarbazdary men sardarlaryna 7 mamyr – Otan qorǵaýshylar kúni merekesine oraı Qazaqstan Respýblıkasy İshki ister mınıstriniń, Ulttyq ulan Bas qolbasshysynyń jáne «Ońtústik» óńirlik qolbasshylyǵy qolbasshysynyń buıryqtarymen marapattar tabys etildi, dep habarlaıdy Almaty-akshamy.kz Almaty.tv silteme jasap.
Marapattardy 5571 áskerı bóliminiń komandıri polkovnık Ospambekov Baqdáýlet Oraluly tabys etti.
Ulttyq ulan sarbazdaryn quttyqtaý úshin Almaty qalalalyq máslıhatynyń depýtaty Shýhrad Shardınov, Almaty qalalyq Polısıa departamentiniń polısıa polkovnıgi Nurlan Nursaıytov jáne áskerı bólimniń ardageri otstavkadaǵy polkovnık Aleksandr Zelınskıı áskerı bólimge arnaıy keldi.
Aıta ketý kerek, jaqynda zapasqa shyǵatyn 1-2021 shaqyrylym (1000 - 2021 sarbazdy) Qazaqstan Respýblıkasy İshki ister mınıstriniń atynan komandırlik qol saǵattarmen marapattaldy.
Ulttyq ulannyń 5571 áskerı bóliminiń atqaratyn negizgi qyzmeti – Almaty qalasynyń qoǵamdyq tártibi men qaýipsizdigin kúzetý. Qala tynyshtyǵynyń saqshylary.
