15 qyrkúıekte atmosferalyq frontaldy bólikterdiń áserinen elimizdiń basym bóliginde aýa raıy qubylmaly bolady, kún kúrkirep, jańbyr jaýady, dep habarlaıdy Almaty-akshamy.kz.
Qazgıdromet sınoptıkteriniń boljamy boıynsha, batysta, shyǵysta, ońtústik-shyǵysta qatty jańbyr jaýady. Elimizdiń ońtústik-shyǵysyndaǵy jáne shyǵysyndaǵy taýly aımaqtarda qar aralas jańbyr jaýady.
Batysta, shyǵysta, ońtústik-shyǵysta ekpindi jel soǵady, ortalyqta jáne ońtústik-shyǵysta burshaq jaýady. Batysta, soltústikte túnde jáne tańerteń tuman túsedi.
Qyzylordada, Ulytaý oblysynyń ońtústiginde tótenshe órt qaýpi saqtalady.
Batys Qazaqstan oblysynyń soltústik-batysynda, ońtústik-batysynda, shyǵysynda jáne ortalyǵynda óte joǵary órt qaýpi saqtalady.
Jambyl, Túrkistan, Qaraǵandy oblystarynda, Atyraýdyń soltústiginde, Almaty oblystarynyń soltústik jartysynda joǵary órt qaýpi bar.