Oıyn mekemeleriniń ústeme kirisi 2,6 mlrd teńgeden asty
Almaty oblysynyń prokýratýrasy Qapshaǵaı sý qoımasy aýmaǵynda ornalasqan oıyn mekemeleriniń qyzmetine tekserý júrgizip, birqatar zańbuzýshylyqty anyqtady, dep habarlaıdy Almaty-akshamy.kz.
Prokýratýra ókilderi oıyn mekemeleriniń qyzmetin buryn eshkim keshendi teksermegenin atap ótti. Tekserý kezinde 2019 jyldan bergi kezeń qamtylǵan.
«Kazıno men oıyn mekemeleri aldyn ala esepteýler boıynsha mıllıardtaǵan teńgege salyq tóleýden jaltarǵan. Qazirgi ýaqytta prokýratýranyń talaby boıynsha salyq qyzmetkerleri jospardan tys tekserýler júrgizip jatyr, sonyń nátıjesinde jaltarýdyń túpkilikti somasy anyqtalady», – delingen oblystyq prokýratýra taratqan aqparatta.
Qadaǵalaýshy organnyń málimetinshe, oıyn avtomattarynyń barlyq zaldarynda "Oıyn bıznesi týraly" Zańnyń 12-babynyń 6-tarmaǵynda kózdelgen, ıaǵnı klıentke 95%-dan kem emes utys paıyzynyń sáıkessizdigi anyqtaldy.
«Shyn máninde, oıyn avtomattarynyń jeke zaldarynda kelýshilerdiń utys paıyzy 25%, 30% jáne 51% bolǵan. Osy sáıkessizdik nátıjesinde oıyn mekemeleriniń ústeme kirisi 2,6 mlrd teńgeden asty, bul qarajat mekeme klıentteriniń utysy bolýy tıis edi», - delingen habarlamada.