Ol jaǵadan 200 metr qashyqtyqqa júzip ketken.
Oqıǵa ornyna Qonaev qalasynyń jedel-qutqarý jasaǵynyń qyzmetkerleri dereý jiberildi, dep habarlaıdy Almaty-akshamy.kz
Almaty oblysy TJD Qapshaǵaı sý qoımasynda jasóspirimniń qutqarylǵanyn málimdedi.
«2023 jylǵy 9 maýsymda saǵat 18:20-da Almaty oblysy TJD kezekshi bólimine 2009 jyly týǵan qyz Qonaev qalasyndaǵy Qapshaǵaı sý qoımasynyń qalalyq jaǵajaıynda sýǵa batyp bara jatqany týraly habarlama kelip tústi. Oqıǵa ornyna Qonaev qalasynyń jedel-qutqarý jasaǵynyń qyzmetkerleri dereý jiberildi. Shomylý kezinde jaǵadan 200 metr qashyqtyqqa júzip ketken jáne qurlyqqa óz betinshe orala almaǵan qyz qutqarýshylar ony ata-anasy kútken jaǵaǵa jetkizdi. Qyzǵa medısınalyq kómek qajet bolmady», – dep jazylǵan habarlamada.
Almaty oblysy TJD azamattardan sýdaǵy qaýipsizdik erejelerin saqtaýdy suraıdy.