Jyl basynan beri kóliktegi PD-da poıyzdardyń shuǵyl tejelýiniń 21 faktisin anyqtady.
Onyń ishinde temirjol tóseminde janýarlardyń bolýyna baılanysty – 16, adamdardyń bolýyna baılanysty – 3, onyń ishinde bir adam alǵan jaraqatynan kóz jumdy, dep habarlaıdy Almaty-akshamy.kz Polisia.kz-ke silteme jasap.
Bul týraly departament bastyǵynyń birinshi orynbasary Madıar Aıtýǵanov habarlady.
«Ókinishke qaraı, barlyq qabyldanǵan is-sharalarǵa qaramastan, jyl saıyn temir joldarda jáne oǵan jaqyn ornalasqan aýmaqtarda adamdar jaraqat alyp, tipti onyń sońy qaıǵyly jaǵdaıǵa ákep soǵyp jatady. Ádette, bul temirjol kóligi nysandaryndaǵy qaýipsizdiktiń qarapaıym erejelerin elep-eskermeýden, ıaǵnı azamattardyń arnaıy ótkelderdi, kópirlerdi paıdalanǵysy kelmeýi, qaýipti aımaqta qulaqqap kıip júrýi, jol qysqartamyz dep poıyz vagondarynyń astynan ótýimen baılanysty», – dedi M.Aıtýǵanov.
5 qańtarda Qyzylorda oblysynyń Shornaq – Túrkistan aralyǵynda júk poıyzynyń mashınısi temirjolda belgilenbegen jerden ótpekshi bolǵan adamdy qaǵyp ketken. Ol aýrýhanaǵa jetkizildi, alaıda alǵan jaraqaty saldarynan qaıtys boldy. Atalǵan fakt boıynsha QR Qylmystyq kodeksiniń 344-baby 2-bóligi boıynsha sotqa deıingi tergep-tekserý bastaldy.