Almaty-akshamy.kz saıtynda búgin jarıalanǵan jańalyqtarǵa sholý
MÁMS-tiń máni arta ma?
Medısınalyq jáne farmasevtıkalyq qyzmetke, ıondaýshy sáýle shyǵaratyn aspaptarmen jáne qondyrǵylarmen jumys isteýge, esirtki quraldarynyń, psıhotroptyq zattardyń, prekýrsorlardyń aınalymy salasyndaǵy qyzmetti júzege asyrýǵa, sanıtarıalyq-epıdemıologıalyq salamattylyq salasyndaǵy ruqsat qujatynyń bolýyna lısenzıanyń bolýy erekshe qatań tekseriledi.
Densaýlyq saqtaý mınıstrligi qabyldaıtyn medısınalyq qyzmet berýshilerge qoıylatyn talaptardy kúsheıtý jónindegi keshendi sharalar birinshi kezekte josyqsyz medısınalyq uıymdar medısınalyq saqtandyrý júıesi arqyly qarjylandyrýdy ala almaıtyn kezde halyq úshin medısınalyq kómektiń sapasyn arttyrýǵa baǵyttalǵan.
Alys saparǵa asyqpańyz!
QR İİM halyqqa eskertý jasady.
Aýa raıynyń buzylýy, kórý múmkindiginiń nasharlaýy, kóktaıǵaq kezinde jol-kólik oqıǵalarynyń aldyn alý jáne azamattardyń ómiri men densaýlyǵyn saqtaý úshin qozǵalysqa shekteý engiziledi. Joldardy jabý kezinde polısıanyń zańdy talaptaryna baǵynbaǵan júrgizýshilerge aıyppul nemese bes táýlikke deıin qamaýǵa alý jazasy qarastyrylady.
«Kedeı men baı joldas bolmas...»
Oxfam halyqaralyq birlestigi 2020 jyldan beri planetadaǵy eń dáýleti shalqyǵan bes adamnyń kapıtaly 869 mlrd dolllarǵa kóbeıgenin anyqtaǵan, kerisinshe, adamzattyń eń kedeı 60 paıyzy, ıaǵnı, 5 mlrd-qa tarta adam taqyr kedeıge aınalǵan.
Guardian-nyń aqparatyna saı, sarapshylar búgingi kedeılikti eńserýge kem degende 229 jyl ketetinin eskertedi.
Hokeıshi qyzdar jarap tur...
Herenven qalasynda hokeıden 18 jasqa deıingi qyzdar arasynda ótken álem birinshiliginde A tobyna túsken Qazaqstan quramasy Túrkıanyń qaqpasyna jaýapsyz 6 shaıba salyp, iri jeńiske jetti.
Qazaqstan endi 18 qańtarda Latvıamen, sosyn Qytaı jáne Nıderland ekeýimen bir kúni (21 qańtarda) oınaıdy.
Qasıetti qulshylyq
Byltyr elimizden 4 000 adam uly saparǵa attanyp, qajylyq qulshylyǵyn atqaryp keldi.
Bas múftı Naýryzbaı qajy Taǵanuly Qazaqstan Qajylyq mısıasynyń tóraǵasy retinde qajylardy qasıetti mekenge bastap bardy.
Kólik qymbattaı ma?
Jergilikti naryq úshin bul salystyrmaly túrde alǵanda, joǵary deńgeıde. Freedom Finance Global avtokólik baǵasy 12-17% ósetinine boljam jasady. Sonymen qatar, avtokólik naryǵynyń ósimi ınflásıa qarqynynyń baıaýlaýymen birge tómendeıdi.
Turaqqa tegin toqtaı ma?
Elektromobılder týraly zań jobasy birinshi oqylymda maquldandy. Májilistiń Ekologıa máseleleri jáne tabıǵat paıdalaný komıteti ázirlegen qorytyndyǵa súıensek, zań jobasy «Sáýlet, qala qurylysy jáne qurylys qyzmeti týraly», «Avtomobıl joldary týraly», «Avtomobıl kóligi týraly», «Erekshe qorǵalatyn tabıǵı aýmaqtar týraly», «Jol júrisi týraly» zańdarǵa ózgerister men tolyqtyrýlar engizýge baǵyttalǵan.
Mı-ǵa ne boldy?
Qyrǵyzstannyń Kabar agenttiginiń habarlaýynsha, jergilikti ýaqyt boıynsha saǵat 10:55-te «Frýnze-1» áýe bazasynda Mı-8 áskerı tikushaǵy qulady. Qyrǵyzstan Áýe qorǵanys kúshteriniń tikushaǵy oqý-jattyǵý barysynda qonýǵa májbúr bolǵan. Zardap shekkender bar.
«Qańtarylyp qalmańyz!»
Qazaq halqynda ejelden «qańtarda qyz bermeıdi» degen nanym bar. Onyń dinı astary joq. Ol eń aldymen qystyń qatań tabıǵı ereksheligine jáne turmystyq qıynshylyqtarǵa baılanysty. Óıtkeni jeltoqsannyń aıaǵynda jaryq kún merzimi barynsha qysqaryp, tún barynsha uzaratynyn bilemiz. Qańtar aıynda «Kún – jazǵa, sýyq – aıazǵa betteıdi» demekshi, eń borandy, sýyq kezeń keledi. Mundaı kezde qyz uzatyp, kelin túsirip shattyqqa kenelý de qıyn, ásirese jol júrmegen abzal. Kúnniń qysqalyǵynan tez kóz baılanyp, qarańǵy túsip ketedi. Ásirese qubylyp turatyn aýa raıynda bul óte qaýipti. Ertede mal sońynda júrgenderdiń arasynda adasyp ketip úsip óletinder de az bolmaıtyn. Sondyqtan da «qańtarda uzatylǵan qyz qańtarylyp qalady» dep saqtandyrady.
Sabaqta sabaǵan...
Alǵashqy áskerı daıyndyq pániniń muǵalimi oqýshylardy sabaqqa arnaıy kıim alyp kelmegeni úshin urǵan. Pán muǵaliminiń buǵan deıin de, eńbek zańdylyǵyna baılanysty sógis alǵany belgili boldy. Osy oqıǵaǵa baılanysty mektep dırektoryna sógis jarıalandy. Al muǵalimdi qatal jaza kútip tur.
Tobyqtynyń toq bıi
1804 jyly Qunanbaı dúnıege kelgende óte iri, tolyq, zor bolady. Ol týarda anasy tús kóredi. Túsinde: eri Óskenbaıdyń tórde otyryp, altyn saqany ıirip otyrǵanyn kóredi. Anasy ol altyn saqa – Qunanbaı dep jorıdy. Qunanbaıdy bir kún dáretsiz emizbegen Zereniń áje bertinde:
- Men Qunashty bir kún dáretsiz emizip kórgem joq jáne omyraýymdy
tazalap jýmaı, bismilla aıtpaı emizgen mezgilim bolǵan joq,- depti. Qunanbaıdyń denesi óte symbatty, tolyq, boıy zor, júzi nurly, bota kóz, mańdaıly qyr muryn, sulý bolǵan desedi. Balǵyn zor denesi balýandyqqa ótkir kózi erlikke, basy aqyldylyqqa sáıkestene bitken. Aýyl moldasynan oqyp, shala hat tanysa da ákesi Óskenbaıǵa kelgen hattardy birine-birin salystyryp, óz talabymen tolyq tanyp, túrikshe jazylǵan kitaptardy erkin oqı alatyn bolǵan eken.