Qazirgi ýaqytta 4 myńnan astam urlanǵan qarý tabyldy.
İshki ister mınıstrliginiń Tergeý departamentiniń bastyǵy Sanjar Ádilov Parlament Májilisiniń kýlýarynda qańtardaǵy tártipsizdikter kezinde urlanǵan qarý jaıly aıtyp berdi, dep habarlaıdy Almaty-akshamy.kz.
«Olardyń basym bóligi jedel-profılaktıkalyq is-sharalar barysynda tabylǵan. 500-den astam sqron tabyldy. Urlanǵan qarýdyń basym bóligi Taraz jáne Taldyqorǵan qalalarynda bolǵan. Búgingi tańda 1900-den astam qyzmettik jáne azamattyq qarý áli de tabylǵan joq. Polısıa qyzmetkerleri qarýdy tabý jáne tárkileý boıynsha belsendi sharalar qabyldap jatyr», - dep naqtylady Sanjar Ádilov.
Onyń aıtýynsha, búgin depýtattar men jýrnalıserdiń nazaryna zattaı dáleldemeler men oq-dárilerdiń úlgileri usynyldy.
«Barlyq danalar shynaıy, býtaforıa joq. Bul jerden avtomattardy, tapanshalardy jáne tipti granata atqyshtardy da kórýge bolady. Aıta ketsek, kórmede qarýdyń az ǵana bóligi usynylǵan», - dep tolyqtyrdy S. Ádilov.