Azaptalǵan jábirlenýshilerdiń quqyqtary qalpyna keltirildi.
Taldyqorǵan qalalyq sotynda jábirlenýshi dep tanylǵan 24 adamdy azaptaý faktisi boıynsha polısıa qyzmetkerlerine qatysty qylmystyq is qaralyp jatyr, dep habarlaıdy Almaty-akshamy.kz
Jábirlenýshilerdiń ókilderi Adam quqyqtary jónindegi ýákil Elvıra Ázimovaǵa tıisti sot tóreligine qol jetkizý bóliginde quqyqtarynyń buzylýyna baılanysty ótinishpen júgingen.
Atap aıtqanda, olar óz shaǵymynda jábirlenýshilerdiń múddeleri obektıvti jáne sapaly túrde qaralýyna múmkindik joq ekenine, jábirlenýshilerdiń óz ókilderimen qupıa kelissóz júrgizý úshin jaǵdaı jasalmaǵanyna, qylmystyq proseske qatysýshylar sanynyń kóp ekenin, al sot zaly tar ekenin aıtqan.
Jábirlenýshiler men sottalýshylar bir jerde otyrǵandyqtan, sottalýshylar moraldyq jáne psıhologıalyq qysym jasaıdy. Sondaı-aq aýdarmashynyń jumysyna da shaǵym tústi. Jábirlenýshiler sot prosesinde sınhrondy aýdarma jasaýdy birneshe ret ótingense, ol eskerýsiz qalyp otyr.
Sot talqylaýynyń barysyn baqylaıtyn adam quqyqtary jónindegi ulttyq ortalyqtyń qyzmetkerleri qylmystyq isti qaraý tártibiniń joq ekenin de atap ótti.
«Quqyq qorǵaý organdary qyzmetkerleriniń kóptegen adamǵa fızıkalyq kúsh qoldanǵany týraly qylmystyq istiń aıryqsha sıpatyn eskere otyryp, Elvıra Ázimova Joǵarǵy sotqa sapaly sot tóreligin qamtamasyz etý boıynsha shara qoldaný týraly hatpen júgindi. Ýákildiń ótinishin qaraý nátıjesi boıynsha qylmystyq ister jónindegi sot alqasynyń tóraǵasynan barlyq kórsetilgen zańbuzýshylyqtardyń sheshilgeni týraly jaýap kelip tústi», - delingen habarlamada.
Sot organynyń jaýabynan sot talqylaýy úlken zalda ótip jatqany, tıisti aýdarmashymen qamtamasyz etý problemalary joıylǵany habarlanady.
Budan bólek, sottalýshylarǵa qatysty bultartpaý sharasy bóliginde jábirlenýshi taraptyń advokattarynyń shaǵymy ishinara qanaǵattandyryldy.