Prezıdent halyqtan eshteńeni jasyryp qalmaıdy - Berik Ýálı
Memleket basshysy qańtar oqıǵasy boıynsha aldyn ala tergeý jumystarynyń qorytyndylaryn naýryzdaǵy Qazaqstan halqyna Joldaýynda jarıalaıdy. Bul týraly QR Prezıdentiniń baspasóz hatshysy Berik Ýálı Facebook paraqshasynda jazdy, dep habarlaıdy Almaty-akshamy.kz.
Qasym-Jomart Toqaev «Qazaqstan» telearnasyna bergen keshegi suhbatynda aıtqanyndaı, halyqtan eshteńeni jasyryp qalmaıdy. Barlyq aqparat jarıa etiledi. Qazir tıisti organdar aýqymdy tergeý jumystaryn júrgizýde. Buǵan biraz ýaqyt kerek.
"Prezıdent suhbat barysynda atap ótkendeı, qoǵamdaǵy eń mańyzdy másele – zań ústemdigi. Dál osy quqyqtyq prınsıp negizinde qańtar oqıǵasy barysynda ustalǵan azamattardyń jaýapkershilik máselesi sheshiledi. Olardyń basym kópshiliginiń jazasy jeńildetilgeni málim. Júzdegen adam tergeý ızolátorynan bosatyldy. Qamaýdaǵy azamattardyń quqyqtaryn qorǵaý jumystary júrgizilip jatyr. Quqyq qorǵaý organdary qyzmetkerleriniń zańsyz is-áreketterine baılanysty da tekserý júrgizilýde. Sonymen qatar aýyr qylmys (kisi óltirý, tonaý, qaraqshylyq jáne t.b.) jasaǵandar zańǵa sáıkes jazaǵa tartylady. Prezıdent naýryz aıynyń ortasynda jasaıtyn Joldaýynda saıası reformalar boıynsha óz baǵdarlamasyn usynatynyn eske salamyz. Sondaı-aq Memleket basshysynyń keshegi suhbaty kórermen qaýymnyń zor qyzyǵýshylyǵyn týǵyzǵanyn atap ótkim keledi", -dep jazdy baspasóz hatshysy.
Bul elimizdiń aqparat keńistigindegi mańyzdy taqyrypqa aınalyp úlgerdi dep aıtýǵa bolady. Oǵan álemniń jetekshi agenttikteri belsendi túrde silteme jasaýda. Qasym-Jomart Kemeluly qatty sýyq tıgizip alǵanyna qaramastan, bergen ýádesinde turdy. «Prezıdent otandastarymyzdyń atalǵan máselege erekshe alańdap otyrǵanyn eskerip, ulttyq telearnanyń tilshisine beretin suhbatyn keıinge shegermedi», - delingen jazbada.