Qańtar oqıǵalary boıynsha aıyptalýshylardyń urlanǵan zattardy alyp qoıý jáne zıandy tegisteý esebinen 95 mln teńge óteldi.
Bul týraly Ortalyq komýnıkasıalar qyzmetinde ótken qańtar oqıǵasy, tergeý barysy týraly brıfıń barysynda QR Bas prokýratýrasy 1-qyzmet bastyǵynyń orynbasary Eldos Qılymjanov aıtty, dep habarlaıdy Almaty-akshamy.kz.
İshki ister organdary zańdylyq pen quqyqtyq tártipti qalpyna keltirý, quqyq buzýshylardy anyqtaý jáne azamattarǵa keltirilgen zalaldy óteý maqsatynda áli de jalǵasýda.
Jedel jáne sapaly tergeý nátıjesinde ishki ister organdarynyń tergeýshileri aıyptaý aktisimen 402 aıyptalýshyǵa qatysty 255 qylmystyq isti aıaqtap, sotqa jiberdi.
Osy ister boıynsha jábirlenýshilerge keltirilgen zalaldy óteý shamamen 95 mln.teńgeni qurady. Bul polısıa qyzmetkerleriniń sotqa deıingi tergep-tekserý barysynda urlanǵan zattardy taýyp alýy jáne tárkilep alýy, sondaı-aq jasalǵan árekettiń saldaryn túsingen aıyptalýshylardyń keltirilgen zalaldy óteýi esebinen qamtamasyz etildi.