2025 jyldyń qańtar aıynda ótken Ulttyq biryńǵaı testileýge (ENT) shamamen 126 myń abıtýrıent qatysyp, olardyń 72%-y belgilengen mınımaldy baldy jınaı aldy, dep habarlaıdy aqshamnews.kz Ulttyq testileý ortalyǵynyń baspasóz qyzmetine silteme jasap.
Testileýdiń ortasha baly 67 qurady, al eń joǵary baldy Shymkent qalasynyń oqýshysy — 138 bal jınady.
Sonymen qatar, testileý erejelerin buzǵany úshin 142 adamnyń nátıjesi joıyldy. Olardyń ishinde:
- 89 abıtýrıent tyıym salynǵan zattardy alyp ótýge tyrysqan;
- 53 adam testileý barysynda erejelerdi buzyp, aýdıtorıadan shyǵaryldy.
Testileýge qatysýshylardyń 78,7%-y qazaq tilinde, 21,2%-y orys tilinde, al 62 adam aǵylshyn tilinde tapsyrdy. Testileý barysynda eń kóp tańdalǵan kombınasıalar týraly da málimet berildi.
Bul málimetter testileý prosesiniń ashyqtyǵy men erejelerdiń saqtalýyn qamtamasyz etý maqsatynda jarıalanǵan.