Bul úshin 5-6 jyl ishinde osy salaǵa jeńildetilgen nesıeler men sýbsıdıalar qajet.
Aýyl sharýashylyǵy mınıstrligi qant óndirisin jeti ese arttyryp, onyń ımportyn 32%-ǵa túsirýdi josparlap otyr, dep habarlaıdy Almaty-akshamy.kz.
Bul týraly Úkimet otyrysy barysynda vedomstvo basshysy Erbol Qarashókeev aıtty.
«Qant óndirisin 7 ese, 254 myń tonnaǵa deıin ulǵaıtý, qant ımportyn 32%-ǵa tómendetý kútilýde. Bul ishki naryqtyń otandyq óndiristegi qantpen qamtamasyz etilýin 7%-dan 43%-ǵa deıin arttyrýǵa múmkindik beredi. Budan basqa, joǵaryda kórsetilgen nátıjelerdi alý úshin 5-6 jyl ishinde sýbsıdıalar men jeńildikti kredıtter berý arqyly memlekettik qoldaý qajet», - dedi Qarashókeev.
Ol Qazaqstanda jyl saıynǵy qant tutyný shamamen 532 myń tonnany quraıtynyn, onyń ishinde otandyq shıkizat esebinen 7%-dy quraıtynyn eske saldy. Bul óndiristiń usaq satylymyna, sýarýǵa sýdyń jetispeýine, qant qyzylshasyn ósirý kezindegi qol eńbegine, qant zaýyttarynyń tozýyna, reseılik óndirýshilerdiń dempıńtik baǵasyna baılanysty.
Sýmen qamtamasyz etý, egis alqaptaryn 14,5 myń gektardan 38 myń gektarǵa deıin keńeıtý, salany ınfraqurylymdyq damyta otyryp, qant zaýytyn jańǵyrtý jáne jańa zaýyt salý – mine, ASHM osyndaı jobalardy iske asyryp, jalpy ónim jınaýdy 332 myń tonnadan 1,8 mln tonnaǵa deıin arttyrýdy josparlaıdy.