Elimizde qandastardy qabyldaýdyń óńirlik kvotasy 600 adamǵa ulǵaıady, dep habarlaıdy almaty-akshamy.kz.
Eńbek jáne halyqty áleýmettik qorǵaý mınıstrligi qandastar men qonys aýdarýshylardy qabyldaýdyń óńirlik kvotasyn qaıta bólý maqsatynda óńirlerdiń aǵymdaǵy qajettiligine sáıkes «Qandastar men qonys aýdarýshylardy qabyldaýdyń 2024 jylǵa arnalǵan óńirlik kvotasyn belgileý týraly» vedomstvo basshysynyń 2023 jylǵy 27 jeltoqsandaǵy № 530 buıryǵyna ózgerister engizedi. Buıryqtyń jobasy osy jyldyń 16 shildesine deıin jarıa talqylaý úshin «Ashyq NQA» portalynda ornalastyrylǵan.
Qujat jalpyǵa birdeı belgilengen kvota sheńberinde qonys aýdarýshylardy qabyldaýdyń óńirlik kvotasyn alty júzge deıin tómendetý esebinen qandastardy qabyldaýdyń óńirlik kvotasyn 600 adamǵa ulǵaıtýdy kózdeıdi.
Óńirlik kvotalardy ózgertý qajettiligi eńbek kúshi tapshy óńirlerge (soltústik óńirlerge) qonys aýdarǵan qandastar sanynyń artýyna baılanysty.
Buıryq jobasymen tolyǵyraq «Ashyq NQA» portalynda https://legalacts.egov.kz/npa/view?id=15106029 siltemesi boıynsha tanysýǵa bolady.