Qazaqstan prokatyndaǵy jańa kóshbasshy – rejıssyor Duman Erkímbektíń debyuttík tolyqmetrajdy fılmí «QAITADAN» úsh apta íshínde 1 mlrd teńgeden astam tabys jınap, otandyq kınoprokatta kósh bastady, dep habarlaıdy aqshamnews.kz
Árí kıno óndírísíne jūmsalǵan memleket qarajatyn bes esege artyǵymen aqtaǵan alǵashqy joba.
Kórermen kózaıymy bolǵan «QAITADAN» kınosy oqıǵa jelísímen ǵana emes, vızualdy quatymen de bauraıdy. Būl fılm – kórkem shyǵarma ǵana emes, shynaıy sezímge negízdelgen, tereń dramalyq mazmūndaǵy tuyndy. Kıno astarynda qauípsízdík, jauapkershílík pen bírlík jaıly tereń oı tastaıtyn árí jastardy dostyqqa, bauyrmaldyqqa jeteleıtín tūstary bar. Ár dıalog – búgíngí qoǵamǵa oı salady, ár kórínís – kórermenníń júregíne jaqyn.
Fılmde otbasy ınstıtuty dáríptelíp, áleumettík jauapkershílík pen adamgershílík qaǵıdattary kórínís tabady. Sebebí ózíńdí ǵana emes, aınalańdy, típtí tūtas qoǵamdy qūtqaruǵa ūmtylu – ár adamnyń míndetí.
«QAITADAN» - qazaq kınosynyń jańa beleske kóterílgenín kórsetetín eńbekterdíń bírí. 2023 jyly pıtchıng jeńímpazy atanǵan būl joba QR Mádenıet jáne aqparat mınıstrlígí jáne Ūlttyq kınony qoldau memlekettík ortalyǵynyń qoldauymen túsírílgen bolatyn.
Kıno – bekzat óner. Qoǵamda alar orny erekshe. Búgínde Qazaqstannyń kınoındustrıyasy Mádenıet jáne aqparat mınıstrí Aıda Balaevanyń jítí basshylyǵymen qarqyndy damyp keledí. Būl ūlttyq kontenttí ílgeríletuge, tūraqty qoldau júıesín qalyptastyruǵa jáne halyqaralyq yntymaqtastyqty keńeıtuge múmkíndík beríp otyr.
«Būl – elímízde jas rejıssyorler men debyuttík jobalarǵa naqty múmkíndík berílíp otyrǵanynyń jarqyn kórínísí. Rejısser Duman Erkímbek, prodyuser Jalyn Tíleubergen syndy jańa tolqynnyń bastauy. «QAITADAN» - osynyń aıqyn dálelí. Mūndaı sapaly jobanyń halyqqa keńínen tanylyp, kórermenníń kóńílínen shyǵuy júıelí jūmysymyzdyń nátıjesí» - deıdí Ūlttyq kınony qoldau memlekettík ortalyǵynyń Basqarma tóraǵasy Qūrmanbek Jūmaǵalı.
Barsha kórermenderdí otandyq kınony qoldap, «QAITADAN» fılmín kınoteatrlarda tamashalauǵa shaqyramyz!
Sońǵy ekí jylda otandyq kınoındustrıyada bírqatar mańyzdy reformalar júzege asty. Solardyń íshínde asa mańyzdylarynyń bírí – konkurstyń jańa erejesí. Reformanyń negízgí maqsaty – ádílettílík pen ashyqtyqty qamtamasyz etu, sondaı-aq kınogerler úshín konkursqa qatysu protsesín barynsha jeńíldetu.
Saraptama keńesíníń dauys beru mehanızmí de jańartyldy. Keńes múshelerí - ár jobanyń stsenarııínen bastap, óndíríske deıíngí kezeńdí súzgíden ótkízedí. Tíldíń tazalyǵyna da aıryqsha mán beredí. Osynyń arqasynda debyuttík jobalarǵa erekshe nazar audarylyp, jas rejısserlerdíń tuyndylaryna sením kúsheıdí.
Íríkteuden ótken kınojobalar óndíríske jíberílíp, úlken ekranǵa deıín tolyq súıemeldenedí. Būl úshín Ortalyqta ár jobaǵa jeke menedjer taǵaıyndalǵan.
Bıyldyń ózínde 12 ūlttyq fılm úlken ekranǵa shyqty.
Eń bastysy – san emes sapa basty nazarda! Otandyq fılmder kórermenge barynsha qoljetímdí bola bastady. Sońǵy jyldary arhıvte jatqan barlyq fılmder prokatqa shyǵarylyp, qalyń kórermenge ūsynyldy.
Ūshaq borttarynan bastap strımıngtík platformalarǵa, telearnalardan shalǵaı auyldardaǵy kórsetílímderge deıín – ūlttyq kınony kóruge múmkíndík artty.
Óńírlerde «Qazaq kınosynyń onkúndígí» ótkízíldí. Jańa tuyndylar kópshílíktíń nazaryna ílíktí.
«JARQYRA» respublıkalyq kastıngí jarıyalandy. Nátıjesínde anyqtalǵan jańa talanttardyń kásíbı ósuín qamtamasyz etu jáne olardy ūlttyq kınematografıyanyń jańa jobalaryna tartu. Aımaqtardaǵy talantty jastardy qoldaudyń arqasynda kıno álemínde jańa esímder men jańa lep boluy haq.
Ortalyqtyń qoldauymen túsírílgen tuyndylar halyqaralyq deńgeıde de keńínen tanylyp keledí. Sońǵy derekterge sáıkes, qazaqstandyq fılmder 300 halyqaralyq kınofestıvalge qatysyp, 177 júlde jeńíp aldy.
Būl auqymdy jūmystar ūlttyq kınematografıyanyń kókjıegín keńeıtíp, ony árí qaraı damytuǵa, qazaq mádenıetín álemge tanytuǵa múmkíndík beredí.
Kıno – óner, ol – ıdeologıya. Al ıdeologıyanyń basty kúshí – sanaǵa tóńkerís jasau, ıgí ísterdí nasıhattau.
«Ūlttyq kınony qoldau memlekettík ortalyǵynyń»
Baspasóz qyzmetí