Qaýly 2024 jylǵy 30 shildeden bastap kúshine enedi.
2024 jylǵy 5 shildedegi Ulttyq banktiń qaýlysymen QR ulttyq valútasynyń banknottary men monetalarynyń tólemdiligin anyqtaý qaǵıdalaryna ózgerister men tolyqtyrýlar engizildi, dep habarlaıdy Almaty-akshamy.kz
Qujatqa sáıkes, kelesi zaqymdary bar banknottar eskirgen bolyp sanalady:
Boıaǵysh zattarmen boıalǵan;
Bógde jazýlary bar, sonyń ishinde:
Últrakúlgin sáýlemen kórinetin arnaıy hımıalyq untaqpen óńdelgen;
Mashınamen oqylatyn belgilerdi jaýyp turǵan;
Jyrtylǵan banknottar, jelimdelgen nemese jelimdelmegen bólikteri sózsiz bir banknotqa tıesili jáne birge Ulttyq bank belgilegen banknot ólsheminiń keminde 70% quraıtyn;
Buryshynan nemese shetinen aýdanynyń 1%-dan astamyn joǵaltqan, biraq Ulttyq bank belgilegen banknot ólsheminiń keminde 70% saqtaǵan;
Jyrtyqtary bar, móldir jabysqaq taspamen jelimdelgen;
Dıametri 3 mm jáne odan da kóp tesikteri, oıyqtary bar, banknottaǵy tesikterdiń bolýy onyń ótelgenin kórsetetin jaǵdaılardy qospaǵanda;
Banknot beınesiniń joǵalýyna ákelgen úıkelisteri bar;
Kúıgen jáne kúıdirilgen, biraq Ulttyq bank belgilegen banknot ólsheminiń keminde 70% saqtaǵan;
Betki nemese artqy jaǵynyń lastanýy bar, bul banknottyń beınesi men jaryqtyǵynyń tómendeýine ákelgen. Lastaný dep shańnyń, kirdiń, maılardyń jáne basqa da lastaýshy zattardyń bolýy saldarynan banknot betiniń qaraıýymen sıpattalatyn banknottardyń jaǵdaıy túsiniledi;
Qaǵazy borpyldaǵan jáne qattylyǵyn joǵaltqan;
Banknottardy saqtaý jáne qaýipsiz tasymaldaý qurylǵylarynda qoldanylatyn arnaıy boıaýlarmen boıalǵan.
Ulttyq bank belgilegen ólshemniń 50% jáne odan da kóp paıyzyn joǵaltqan banknottar, "ÚLGİ", "OBRAZES", "SPECIMEN", "MÝLÁJ" degen jazýy bar banknottar, sondaı-aq shynaıy banknottardyń fragmentteri bar jáne kesilgen banknottar tólem qabileti joq dep sanalady.