Baǵyty aıqyn jan bıikti baǵyndyrady
Kóbimiz sońǵy ýaqyttary tirshilikten bas almaımyz. Kúndiz-túni jumystamyz. Bir-birinen jalǵasyp jatqan qym-qýyt tirlik. Arasynda tynyǵyp demalýdy oılaımyz. Degenmen keıde oǵan ýaqyt bóle almaı dalmyz. Onyń da óz sheshimi bar. Bizder birqatar oılardy taldap kórdik. Sonyń birqanshasyn nazarlaryńyzǵa usynamyz.
Súıikti isińizge jaqyndańyz. Qytaı eliniń uly oıshyly Konfýsıı «Ózińizge súıikti is tańdańyz, sonda ómir boıy jumys istemegen adam sıaqty ǵumyr keshesiz» deıdi. Fılosoftyń sóziniń jany bar. Onymen tolyq kelisýge bolady. Qazir ne kóp, trennıg, motıvatorlar kóp. Tipti bir-birin kórip, kóz shalynady, qulaq jaýyr bolatyn deńgeıge de jetip qalasyz. Sol sebepti, Quń ustazdyń sózine bir sát zer salǵan abzalyraq. Arada qanshama dáýirler jyljysada, óz qundylyǵyn joımady.
Kóbimiz oı túbinde júremiz. Birdi ekige, ekini úshke jalǵaǵymyz keledi. Qaıtsek, jetkizemin qaǵıdasyn ustanamyz. Desekte, odan góri ózimizge kóńil aýdarǵan jón. Eger, maqsat aıqyn, atqarar isińizge nyq senim bolsa, qalǵany óz retimen kelmek. Bastysy, baǵytyńyz aıqyn bolsyn. Búginderi bıznespen shuǵyldanatyndar kóbeıdi. Ol – jaqsy-aq. Degenmen, kásibin órge domalatý úshin de bilim qajet. Ony syrttan emes, júrek túpkirinen qaraǵan durys. Anyǵy árkimniń ózine ǵana aıan. Bireýler menedjer, marketolog, endi biri psıhologıalyq jattyǵýlarmen aınalysady. Qysqasha aıtqanda josparly qareket ete bilgen jan jol taba alatyny aıqyn.
Kóńil shkalasy bıik bolsyn! Osy sózdi tekke aıtpadyq. Árdaıym un-jurǵamyzdy qulatpaıyq. Bári sheshiledi. Barlyǵy túzeledi. Osy altyn oılardy aqkóńil Amanhan Álim aǵamyz jıi aıtatyn edi. Qalamy qarymdy jýrnalıs ári aqynnyń sózinde tereń mán-maǵyna jatyr. Qarap tursańyz ómir adam balasyna bir ret berilgen. Sondyqtan qanatyńyz árdaıym talmasyn.
Túıin. Halqymyzdyń «jaqsy sóz – jarym yrys» deıtin pálsapalyq sózinen artyq eshqandaı teńeý joq. Osy arqyly ár ýaqytta, eńseni bıik usta degendi aıtpaqshy. Bizde ataly sózge qosyldyq dep tizgindi tarttyq. Ózine sengen jan, asqaraly asýdy baǵyndyrady.