Islam bir jyldan astam rıngke shyqpady
Jýrnalıs Fransısko Salazar The Ring basylymy úshin jazǵan sholýynda Qanat Islamnyń (28-1, 22 KO) brıtanıalyq Djımmı Kellıden (26-2, 10 KO) nege jeńilgenin saraptap berdi, dep habarlaıdy Almaty-akshamy.kz Vesti.kz-ke silteme jasap.
«Bul aıqasta Qanat Islamda basymdyq bar dep eseptelgen, brıtanıalyqqa qaraǵanda myqty qarsylastarmen judyryqtasqan, alaıda, Kellı nátıjeli bolyp shyqty. Islam Djeıson Mındýdy nokaýtqa túsirgennen keıin bir jyldan astam rıngke shyqpady. Bul onyń taımıngti esepteı almaı, rıng ortasynda shyrǵalyp júrgeninen bilindi.
Qanat keıde turysyn sol jaqqa jáne qaıtadan keri aýystyryp otyrdy. Degenmen Kellı josparynan taımady, djebpen jumys istedi jáne aralas shabýyl jasap otyrdy. Djımmı bastan da, deneden de kombınasıa jasady, osylaı, Qanatty tepe-teńdikten shyǵaryp otyrdy.
Jekpe-jek sońyna taman upaı sanymen utylyp jatqanyn sezgen Islam shabýyldy údetti, alaıda, bul Kellıge bóget bolmady. Al jaqyn dıstansıaǵa kelgende brıtanıalyq Qanattan basym bolyp otyrdy», - deıdi Salazar.