Qazirgi tańda áleýmettik jeliler ómirimizdiń ajyramas bóligine aınaldy. Ár buryshta «tabysty bolý» men «baqytty ómir súrý» týraly keńes berýshi blogerlerdiń kóbeıip ketkeni sonshalyq, shyndyq pen qur ýádeni ajyratý qıynǵa soǵady. Belgili akter Qanat Áljapparov osy máselege qatysty halyqty oılanýǵa jáne shynaıy áreketke shaqyrdy, dep habarlaıdy aqshamnews.kz
Qanattyń sózinshe, búginde ınternet jelisinde paıda bolǵan «aqylshylardyń» aqyly keıde qısynǵa kelmeıdi.
«Internetti ashyp qalsam, kók tıyn aqshasy, ıa bıznesi joq aǵa baıýdyń jolyn úıretip otyrady ǵoı. Negizi baı adam úıretpeıdi ǵoı? 3-4 ret kúıeýge tıip kelgen apa baqytty otbasy týraly aıtyp otyrady ǵoı, mıyńdy ashytyp...» – deıdi akter.
Bul pikir kóptegen adamnyń nazaryn aýdaryp, halyqtyń sengishtigin paıdalanyp júrgenderdi synǵa alýyna túrtki boldy. Shyn máninde, tabysqa jetý úshin qur sóz emes, shynaıy tájirıbe men naqty is-áreket qajet.
Qalaı degenmen Qanat Áljapparovtyń sózi – halyqtyń boıyndaǵy shynaıy namysty oıatý jáne óz bolashaǵyna senimdi qadam jasaýǵa shaqyrý. Biz senimge súıenip, áreket etsek, árqaısymyz jeke jetistikterimizge ǵana emes, eldiń órkendeýine de úles qosamyz.