Bul týraly Almaty qalalyq polısıa departamentiniń baspasóz qyzmeti habarlady.
Naýqan aıasynda qala turǵyndary jol qozǵalysy qaýipsizdigi men kóshi-qon zańnamasy salasynda tegin keńes jáne quqyqtyq kómek ala alady, dep habarlaıdy Almaty-akshamy.kz
"Jolda qabyldaý" profılaktıkalyq is-sharasy azamattarǵa yńǵaıly ýaqytta jáne yńǵaıly jerde jol qozǵalysy qaýipsizdigi jáne kóshi-qon zańnamasy salasynda keńes jáne quqyqtyq kómek alýǵa múmkindik beredi.
Halyqpen baılanys azamattardy tolǵandyratyn máselelerdi talqylaý túrinde júzege asyrylady.
Oflaın rejımindegi naýqan 2023 jyldyń 14 jáne 15 shildesinde ótedi.
Sonymen qatar, polısıada, is-shara kúnderinde azamattardyń polısıa qyzmetine qatysty suraqtaryn qoıa alatyn jedel jeli telefony jumys isteıtinin atap ótti: 8-747-733-10-20.
Sondaı-aq, Ákimshilik polısıa Basqarmasy, Kóshi-qon qyzmeti Basqarmasy jáne Jergilikti polısıa qyzmeti Basqarmasy basshylyǵynyń qatysýymen tikeleı efırler ótkizý josparlanýda.