Endi jeke úı ıeleri men múlik ıeleri tabıǵı gazǵa qosylý úshin tehnıkalyq sharttardy onlaın alýǵa múmkindik alady — eGov Mobile qosymshasy arqyly. Bul qyzmet «QazaqGaz Aimaq» AQ tutynýshylary úshin qoljetimdi jáne jeke tulǵalarǵa tegin usynylady, dep habarlaıdy aqshamnews.kz
Tehnıkalyq sharttar – bul obektini gaz taratý júıesine qosýǵa múmkindik beretin qujat.
Osy qyzmetti tek múlik ıeleri paıdalana alady. Qyzmetke ótinish berý úshin paıdalanýshy qosymshada kórsetilgen barlyq mindetti óristerdi toltyryp, múlikke tirkelgen quqyqtar týraly aqparatty rastaýy qajet.
Qyzmetti alý úshin ne isteý kerek?
-
eGov Mobile qosymshasyna kirý:
- Qosymshaǵa avtorızasıadan ótip, «Qyzmetter» bólimin ashyńyz.
- «Múlik jáne TKSH» bólimin tańdap, «Gaz taratý júıelerine qosylýǵa tehnıkalyq sharttar berý» qyzmetin tańdańyz.
-
Ótinishti toltyrý:
- Obektiniń túrin kórsetip, qosylýǵa qajetti múlikti tańdańyz.
- Obektiniń tehnıkalyq pasportyn júkteńiz.
- Tehnıkalyq sharttyń túrin, gaz júıesine qosylý sebebin jáne gaz tutyný kólemin kórsetińiz.
- Gaz jabdyqtarynyń túrin tańdap, sany men kólemin engizińiz.
-
Ótinishti rastaý:
- Ótinishti Face ID nemese Touch ID arqyly qol qoıyńyz.
Ótinish durys toltyrylsa, «QazaqGaz Aimaq» AQ gaz taratý uıymy tehnıkalyq sharttardy beredi nemese negizdelgen bas tartýdy habarlaıdy.
Tehnıkalyq sharttardy berýden bas tartý sebepteri:
- Qoljetimdi qýat, syıymdylyq nemese gaz taratý júıesiniń ótkizý qabiletiniń jetispeýshiligi.
- Gaz taratý júıeleri nemese qajetti múlik joqtyǵy.
Qyzmet kórsetý merzimi:
- Tehnıkalyq qıyndyqtary az obektiler úshin — 5 jumys kúni.
- Kúrdeli obektiler úshin — 10 jumys kúni.
eGov Mobile qosymshasy arqyly gazǵa qosylý ótinishin berý — bul ýaqytty únemdep, gazǵa qosylý prosesin jeńildetetin yńǵaıly jáne jyldam ádis.