Almaty qalasynda bir táýlikte 3 871 adam koronavırýsqa qarsy vaksına saldyrdy
Bul týraly qalalyq qoǵamdyq densaýlyq saqtaý basqarmasy málim etti, dep habarlaıdy Almaty-akshamy.kz
«17 qańtar kúni 3 871 almatylyq vaksına saldyrdy. Vaksına saldyrǵandar sany boıynsha Almaty qalasy aldyńǵy orynda. Ótken jyldyń 1 aqpany men bıylǵy 17 qańtar aralyǵynda qalada 1 088 922 turǵyn vaksınanyń birinshi komponentin, 1 037 087 adam ekinshi komponentin saldyrǵan. Onyń ishinde 123 573 adamnyń jasy 60-tan asqan», - dep habarlady basqarmadan.
Búgingi tańda Pfizer (Comirnaty) kompanıasynyń ekpesin 34 015 adam saldyrdy. Onyń ishinde 1865 júkti áıel, 7 064 bala emizetin ana jáne 25 086 jasóspirim bar.
Revaksınasıadan 88 319 almatylyq ótti.
«Búgingi tańda qalada medısınalyq uıymdarda 119 vaksınasıa pýnkti jumys isteıdi. 140 vaksına brıgadasynda 522 medısına qyzmetkeri jumyldyryldy», - dep atap ótti Almaty qalasy qoǵamdyq densaýlyq basqarmasynyń baspasóz qyzmeti.