Almatyda Tájikstan Respýblıkasynyń Hatlon oblysynan kelgen fermerlerdiń aýylsharýashylyq jármeńkesi ótip jatyr, dep habarlaıdy aqshamnews.kz
İs-shara Qala kúnine oraı uıymdastyrylǵan.
Almaty ákimi Darhan Satybaldy jármeńkede usynylǵan ónimdermen tanysyp, óndirýshiler jáne kelýshilermen sóılesti. Onymen birge Hatlon oblysynyń tóraǵasy Saıd Davlatalı de jármeńkege qatysty. Buǵan deıin olar resmı kezdesý ótkizip, Almaty men Hatlon oblysy arasyndaǵy yntymaqtastyqtyń bolashaǵyn, sonyń ishinde saýda-ekonomıkalyq baılanystardy damytý máselelerin talqylaǵan bolatyn.
Jármeńkege Hatlon oblysynan 40 fermer qatysyp, 200 tonnadan astam jańa ónim ákeldi. Qala turǵyndary úshin kókónisterdiń, jemisterdiń, tabıǵı qurǵaq jemister men shyǵys táttileriniń keń tańdaýy usynylǵan. Barlyq taýarlar tikeleı óndirýshilerden jetkizilip, joǵary sapa men qoljetimdi baǵa qamtamasyz etilýde.
Jármeńke Qazaqstan men Tájikstan arasyndaǵy saýda-ekonomıkalyq yntymaqtastyqty nyǵaıtýǵa baǵyttalǵan. Aldaǵy ýaqytta qurǵaq jemister men erte pisetin jemis-kókónisterdi Almaty naryǵyna maýsymaralyq kezeńde tikeleı jetkizý josparlanyp otyr.
Aıta keteıik, jármeńke 20–21 qyrkúıek kúnderi Alataý aýdanyndaǵy «Alataý» teatrynyń aldyndaǵy alańda, Momyshuly men Ýnıversıada kósheleriniń qıylysynda ótedi.