Apta saıyn jármeńkege 45 myńnan astam adam keledi, dep habarlaıdy aqshamnews.kz
Uıymdastyrýshysy – «Almaty» ÁKK.
Satylymda 310 aýyl sharýashylyǵy taýaryn óndirýshiler men fermerlerden ákelingen Almaty men Almaty oblysynyń ónimderi bar: jańa soıylǵan et, jumyrtqa, kókónis pen jemis-jıdek, sút-qyshqyldy ónimder, shujyq, bal jáne basqa da taǵamdar bar. Barlyǵy – 1 000-nan astam taýar túri bar.
Baǵany turaqtandyrý is-sharalary aıasynda áleýmettik mańyzy bar ónimder naryq qunynan 15–20% tómen baǵamen satylyp jatyr.
Jármeńkeler qaladaǵy 5 aýdanda ár senbi jáne jeksenbi kúnderi saǵat 09:00-den 18:00-ge deıin ótedi:
• Almaly aýdany — Masanchı kóshesi (Áıteke bı jáne Gogol kósheleriniń arasynda);
• Áýezov aýdany — Ótegen batyr kóshesi (Abaı dańǵylynan tómen);
• Bostandyq aýdany — Qazaqfılm shaǵynaýdany (Ál-Farabı dańǵylynan joǵary);
• Jetisý aýdany — Qulager shaǵynaýdany, «Gúlder» saıabaǵynyń aldynda;
• Medeý aýdany — Meńdiqulov býlvary – Bekturov kóshesi.
Jármeńkeniń maqsaty – jergilikti fermerlerge ónimderin, sonyń ishinde áleýmettik mańyzy bar azyq-túlikti usynýǵa múmkindik berý, al turǵyndarǵa qoljetimdi baǵamen satyp alýǵa jaǵdaı jasaý.