Almatynyń komýnaldyq qyzmetteri alǵashqy qar jaýǵannan keıin kóshelerdi tazartýda, dep habarlaıdy Almaty-akshamy.kz
Ádetten tys uzaqqa sozylǵan jyly aýa-raıynan keıin Almaty qalasynda alǵashqy qar jaýdy. 8 jeltoqsan kúni saǵat 20:00-den bastap Almaty qalasynda 9 jeltoqsanda túske deıin qar jaýa bastady.
Qalanyń barlyq komýnaldyq qyzmetteri aýa raıynyń nasharlaýyna ýaqtyly iske kiristi.
Ótken jyldan bastap qar jaýǵanǵa deıin joldardy suıyq reagenttermen aldyn-ala óńdeý ádisi ózin dáleldedi. Bul tájirıbe qazirgi qar jaýǵan kezde qoldanylady.
Kóktaıǵaq qubylystarynyń aldyn alý maqsatynda 68 qum taratqyshtyń kúshimen joldarǵa kóktaıǵaqqa qarsy materıaldar sebildi.
Saǵat 09:00-degi jaǵdaı boıynsha 3620 tonna paıdalanyldy.
Qalada 4 sm qar jaýdy, Medeý men Shymbulaqta – 6 sm.
Trotýarlardy, jalpy paıdalaný oryndaryn, qoǵamdyq kólik aıaldamalaryn, jer ústi ótkelderin tazalaý jumystary júrgizilýde.
Túngi kezeńde sypyrý-jınaý tehnıkasynyń segiz kolonnasynyń kúshimen jol polısıasynyń patrúldik mashınalarynyń súıemeldeýimen magıstraldyq kósheler boıynsha qar kúreý júrgizildi.Tústen keıin qar tazartylady, sodan keıin qardy jappaı shyǵarý boıynsha jumystar uıymdastyrylatyn bolady.
535 birlik arnaıy tehnıka men 1006 jol jumysshysy jumyldyryldy.
Qysqy kezeńde jumys isteý úshin barlyǵy 818 birlik arnaıy tehnıka daıyndaldy, 1430 jol jumysshysy bar. muzǵa qarsy materıaldardyń normatıvtik sany daıyndaldy.
Qar tazalaý jumystarynyń óndirisin baqylaý boıynsha táýlik boıy kezekshilik uıymdastyryldy.
Túngi kezeńde patrúldik polısıa ekıpajdarynyń sany artty.
23 jol kólik oqıǵasy tirkelip, 3 adam zardap shekti, Ótken aptameg salystyrǵanda apattyń tirkelgen sany ortasha deńgeıden tómen, bul aýa-raıynyń nasharlaýy týraly halyqty ýaqtyly habardar etýmen baılanysty
Alǵashqy qardyń túsýine jáne joldardaǵy kóktaıǵaqqa baılanysty avtokólik júrgizýshilerin jyldamdyqty tómendetýge, kúrt tejelýge júginbeýge, qashyqtyqty, búıirlik aralyqty jáne manevr jasaý erejelerin saqtaý mańyzdy. Jaıaý júrginshiler trotýarlarda júrgende abaı bolý kerek, belgilengen jerlerde kóshelerdi kesip ótý kerek, qarttar men balalarǵa kómek kórsetý kerek.
"Qazgıdromet" RMK boljamy boıynsha ortasha qar túske deıin jaýady dep boljanýda.Jel 3-8 m/s. Aýa temperatýrasy kúndiz mınýs 4 gradýs aıazǵa deıin.
Almaty qalasynyń komýnaldyq ınfraqurylymdy damytý basqarmasy