Shahardaǵy №140 mektep-gımnazıa «Eń úzdik orta bilim berý mekemesi» dep tanyldy
Jańa oqý jyly men Táýelsizdiktiń 30 jyldyǵyna oraı qala ákimi úzdik ustazdar men uıymdardy saltanatty túrde marapattady. Muǵalimderge «Elimizdiń bilim berýdegi qurmetti jumysshysy», «Ybyraı Altynsarın» tósbelgisi jáne qala ákiminiń «Eńbegi úshin» medali tabystalyp, alǵys hattar berildi, dep habarlaıdy almaty-akshamy.kz.
Sondaı-aq, qala mektepteriniń arasynda orta bilim beretin úzdik uıym anyqtaldy. Baıqaý qorytyndysy boıynsha M. Maqataev atyndaǵy №140 mektep gımnazıasy «Eń úzdik orta bilim berý mekemesi» dep tanylyp, ujym 34 mıllıon teńge kólemindegi ákim grantyn ıelendi.
«Ustaz eńbegin baǵalap, qadirleý ustazdardy odan saıyn shabyttandyryp tyń ıdeıalardy júzege asyrýyna úlken múmkindik týdyrady. Memleket tarapynan ustazdarǵa barlyq jaǵdaı jasalyp, qoldaý kórsetilýde», – dedi №140 mektep gımnazıasynyń dırektory Sánıa Tileýbaı.