«Qaýipti» taksı júrgizýshilerin anyqtaý qıynǵa soǵyp otyr deıdi.
İshki ister mınıstrligi Erjan Sádenov aımaqtan aımaqqa demalyssyz jolaýshy tasıtyn taksı júrgizýshileri adam ómirine qaýip tóndiretinin málimdedi, dep habarlaıdy aqshamnews.kz
Sádenovtiń aıtýynsha, jolaýshylardy tasymaldaý salasynda qoldanystaǵy normalar saqtalmaıdy.
«Internet-taksı júrgizýshileri paıda tabý úshin uıqysyz jáne demalyssyz kólik basqarady. Medısınalyq tekserýden ótpeıdi, kóliktiń tehnıkalyq jaǵdaıy tekserilmeıdi. Osylaısha, adamdardyń ómirine qaýip tóndiredi. Demalys, mereke kúnderi poezǵa bıletterdiń joqtyǵynan taksı joǵary suranysqa ıe bolady. «Qaýipti» taksı júrgizýshilerin anyqtaý jáne jaýapqa tartý qıyn», - deıdi İİM basshysy úkimet otyrysynda.
Internet-agregatorlardyń róli tek tapsyrystardy bólýmen shekteledi. Sondyqtan kelesi jyldan bastap olarǵa tasymaldaý talaptaryn baqylaý júkteledi. Buǵan Sıfrlyq damý mınıstrligi, Eńbek mınıstrligi, Kólik mınıstrligi jáne ákimdikter qatysýy qajet.
Mınıstrdiń pikirinshe, Kólik mınıstrligi men ákimdikter myna jumystardy uıymdastyrǵany jón:
qalaaralyq jolaýshylar kóligin damytý;
demalys, mereke kúnderin eskerip, suranysqa ıe baǵyttar boıynsha reıster sanyn kóbeıtý;
sýbsıdıalaý boıynsha jolaqyny arzandatý;
eńbek jáne demalys rejımin baqylaý quraldaryn ornatý.