Almaty ákimdigi qurylys salýshymen birlesip «Aqkent» TK turǵyndaryna páterlerdi qalpyna keltirýde qoldaý sharalaryn kórsetedi
1 tamyzda órt kezinde zardap shekken «Aqkent» TK turǵyndary órttiń saldaryn joıý úshin qajetti kómek alady. Qala ákimi Erbolat Dosaevtyń tapsyrmasy boıynsha turǵyn úı keshenin salýshy - "Ayt housing Complex" JSHS-men kelissózder júrgizildi, onyń qorytyndysy boıynsha mynadaı sheshimder qabyldandy:
- 2 qyrkúıekke deıin «Aqkent» TK páterlerinde elektrmen jabdyqtaýdy qalpyna keltirý;
- qurylys salýshynyń qarjysy esebinen kireberis alańdaryna jóndeý júrgizý;
- qurylys salýshynyń qarjysy esebinen esikter men terezelerdi aýystyrýǵa, qutqarý operasıasy barysynda tartylǵan balkondardy jóndeýge jumsalatyn shyǵyndardy óteýge;
- páterlerde árleý jumystaryn júrgizý (levkas/qabyrǵalardy, tóbelerdi boıaý (jóndeýden keıingi jumystardy turǵyndar ózderi júrgizedi);
- barlyq jumystardy aıaqtap, turǵyndarǵa páterlerge 20 qyrkúıekten keshiktirmeı kirýge ruqsat berý;
- páterlerdi qalpyna keltirý jumystary kezeńinde turǵyndarǵa ýaqytsha turý boıynsha shyǵystardy óteýge nemese TJ jelisi boıynsha sharalar aıasynda turǵyn úı berýge;
- qalanyń qoǵamdyq densaýlyq saqtaý basqarmasy zardap shekkenderge densaýlyqty qalpyna keltirý boıynsha, onyń ishinde tegin medısınalyq kómektiń kepildik berilgen kólemi jáne mindetti medısınalyq saqtandyrý júıesi (mamandandyrylǵan emdeý, emdeýge jatqyzý) aıasynda medısınalyq kómek kórsetý;
Eske salsaq, qurylysty salýshy «Ayt housing Complex» JSHS tarapynan órt kezinde qaza tapqan jannyń otbasyna óteýsiz negizde eki bólmeli páter beriletin bolady.