Qaıyrymdylyq – adamzat boıyndaǵy erekshe bir izgi qasıet. Olaı deıtinimiz izgiliktiń ózi – adamnyń adamǵa degen taza nıeti men bir - birine degen súıispenshilik kómegi. Jaqsylyq jasaý - ımandylyqtyń, tárbıeliliktiń, parasattylyqtyń aıqyn kórinisi. Qaıyrymdylyq jasasań, qaıyryn óziń kóresiń - deıdi dana halqymyz. Osyǵan oraı qazirgi tańda elimizde túrli is-sharalar men ıgilikti ister, aksıalar, qaıyrymdylyq qorlary arqyly qol ushyn sozatyn izgi jandar sany artýda. Sonyń biri - jańa oqý jyly aldynda oqýshylardyń alańsyz bilim alýyna «Mektepke jol» Respýblıkalyq aksıanyń dástúrge aınalǵany barshamyzǵa aıan. Aksıa barysynda oqýshylardyń tolyq tizimi jasalyp, áleýmettik turmysy tómen , az qamtylǵan otbasynan shyqqan kóp balaly bilim alýshylar sany anyqtalyp, shara aıasynda ártúrli kómek kórsetilip jatyr.
Qaıyrymdylyq jasaý - ár adamnyń qolynan keletin is. Árbir jasalǵan iste izgilik, meıirimdilik, adamgershilik, qasıetterdiń kórinis tabary sózsiz. Janyńda júrgen jandarǵa qýanysh syılap, júrek jylýyn bere bilgenniń ózi - qazaq halqyna tán, ulttyq qasıetińiz ben kóregendigińizdiń jemisi dep bilińiz. Osynyń aıǵaǵy retinde Almaty qalasy, Áýezov aýdany «№173 mektep-lıseı» ujymy men ata-analary da birneshe balalarǵa qýanysh syılap, aksıaǵa óz úlesterin qosyp, kópshilik alǵysyna ıe bolyp otyr.
01.08.2024 jyly №203 mektepishilik buıryqpen jumystar jasalýda.
Mektebimizde demeýshilerden 286.000 teńge kóleminde kómek kórsetildi.
Olar:
6 oqýshyǵa 35.000 teńgege «Glasman» dúkeninen mektep formasy berildi.
1 oqýshyǵa 35.000 tg mektep formasyna dep qarjylaı kómek berildi.
1 oqýshyǵa 20.000 tg mektepke sómke men ishinde keńse zattaryna dep qarjylaı kómek berildi.
3 oqýshyǵa 21.000 teńge kóleminde sómke men sabaqqa qajetti dápter men qalamsaptary berildi.
Sonymen búgingi kúni 11 oqýshyǵa kómek kórsetilip, esebi shyǵaryldy. Respýblıkalyq aksıa áli de óz jalǵasyn tabýda.
Kómekke zárý jandarǵa qýanysh syılap, el alǵysyna bólený de jyly júrekten shyqqan ádemi kórinistiń biri emespe? Árbir jasalǵan istiń artynda qaıyry bar demekshi, jaqsylyq jasaıtyn jandar árqashan aramyzdan tabylyp jatqany qýantarlyq jaǵdaı. Jyly sóz ben meıirimge muqtaj jandardyń janyna shýaq shashyp, kóńilderine kóterińki kóńil-kúı syılap jatsaq nur ústine nur bolar edi. Árbir adam kishipeıil de ádil, qaıyrymdy bolýy tıis. Aınalamyzǵa izgilik nuryn shashyp, syı-sıapat kórsetý – adamgershiliktiń eń úlken qundy qasıeti ekenin urpaqtan – urpaqqa úlgi ete otyryp, el alǵysyna bólenýden artyq syı joq ekendigin jetkize alsaq úlken ıgilikti istiń shyńyna jetý dep túsinemin.