SQO-da polıseıler 10 jyl buryn urlanǵan telefondy tapty .
Qazaqstandyq áıeldiń 10 jyl buryn urlanǵan smartfony ózine qaıtaryldy, dep habarlaıdy Almaty-akshamy.kz
Polisia.kz saıtynyń habarlaýynsha, Soltústik Qazaqstan oblysynyń Qyzyljar aýdanynda jedel ýákilder 2014 jyly jasalǵan telefon urlyǵyn ashty. Aýdan turǵyndarynyń biri Sokolovka aýylynyń mańyndaǵy kólde demalyp júrip, sol kezde tanymal bolǵan Samsung Galaxy S III Mini telefonyn tappaı qalǵan.
Qylmystyń "izin sýytpaı" ashý múmkin bolmaǵan. Soǵan qaramastan, 10 jyldan keıin tártip saqshylaryna aýdannyń 27 jastaǵy turǵynyn anyqtaýǵa múmkindik bergen jańa mán-jaı anyqtalǵan. Urlyq jasaǵan kezde ol 17 jasta bolǵan. Ol kinásin moıyndap, jaǵajaıda qaraýsyz qalǵan basqa bireýdiń múlkin qalaı ıemdengenin aıtyp bergen. Urlanǵan zat zańdy ıesine qaıtaryldy.
"Qylmystyq is júrgizý eskirý merziminiń aıaqtalýyna baılanysty toqtatyldy. Degenmen, eski materıaldar jańa mán-jaılardy anyqtaý úshin únemi qaıta qaralatynyn atap ótken jón. Ashylmaǵan birde-bir qylmys polısıanyń nazarynan tys qalmaıdy", - deıdi aýdandyq polısıa bóliminiń bastyǵy Álıhan Baıqadamov.