«Qaırat» fýtbol klýbynyń oıynshysy Arsen Býranchıevtyń beti beri qarady, dep habarlaıdy Almaty-akshamy.kz.
Bul týraly komandanyń Instagram paraqshasynda habarlandy.
«Bizdiń oıynshyny dárigerler únemi baqylap otyratyn bolady», - dep jazdy klýbtyń baspasóz qyzmeti.
Klýbtyń sheshimimen Qazaqstan OLIMPBET-Kýbogynyń 1/4 fınalyndaǵy «Qaırat» – «Atyraý» machyna bılet satýdan túsken búkil qarajat Arsen Býranchıev pen onyń otbasyna aýdarylady.
Eske sala keteıik, mach kezinde aýyr jaraqat alǵan «Qaırat» fýtbol komandasynyń oıynshysy Arsen Býranchıevke ota jasalǵanyn aıtqan bolatynbyz.
Keshe Almatynyń ortalyq stadıonynda ótken jergilikti «Qaırat» jáne «Aqtóbe» komandalary arasyndaǵy fýtbol machynda Arsen Býranchıev dopqa talasqan sátte aýyr jaraqat alyp, shuǵyl túrde aýrýhanaǵa jetkizilgen.