Áleýmettik jelide "Qaırat" - "Aqtóbe" machyna sary-qara dene ysqyshpen (mochalka) baryp, qoldaý bildirgen jankúıerdiń sýreti tarady. Qoldaýshynyń ıdeıasy jurtty kúlkige qaryq qylyp, lezde jurt arasynda tarap ketti. "Jelini jarǵan" jankúıer kim? Aqshamnews.kz tilshisiniń materıalynda.
"Sary-qara" ysqyshtyń ıesi kim?
Jankúıerdiń esimi - Ernıaz Erbatyr. Ol QBTÝ-da oqıdy.
Dene ysqyshpen túsken sýrettiń taralyp ketýi tosynnan bolǵan oqıǵa. Ernıaz ony machqa barar aldynda, jaı ǵana dýshqa túsý maqsatynda satyp alǵan. Biraq arada birneshe saǵat ótpeı jatyp, onyń stadıonda túsirgen sýreti elge tarap ketti.
"Bul sary-qara ysqyshtyń oqıǵasy múldem kútpegen jerden boldy. Sol kúni jattyǵýdan keıin dýshqa túspek bolyp, dúkenge kirdim. Jańa dene ysqyshtardyń ishinen sary-qara tústisin aldym. Arada birneshe saǵat ótken soń, dostarym kenetten “Qaırat” FK men “Aqtóbe” FK arasyndaǵy oıynǵa shaqyryp qaldy. Ázer úlgerdim, keshigip qala jazdadym. Oıyn kezinde dene ysqyshymdy shyǵaryp, kóterip turdym. Sol sátti bireý sýretke túsirip alypty. Sóıtip,sýret áp-sátte búkil Qazaqstanǵa tarap ketti. Osylaısha men kútpegen jerden jeli juldyzyna aınaldym",-dedi ol suhbattarynyń birinde.
"Qaırattyń" jańa jankúıeriniń armany qandaı?
Ernıaz - "Qaırattyń" jańa jankúıerleriniń biri. Onyń armany - "Realǵa" qarsy machty stadıonnan kórý jáne sary-qara tústi moıyn oraǵysh alyp komandany qoldaý.
"Qaırat" jankúıerleri Ernıazben baılanysyp, oǵan klýbtyń naǵyz moıyn oraǵyshyn syılaýǵa nıet bildirdi.
Memge aınalǵan oqıǵa
Treds jelisinde taraǵan sýretke jurttar túrlishe pikir bildirip jatyr. Kóbi jankúıerdiń tapqyrlyǵyna, ázilqoılyǵyna súısinip jatyr.
"Machtan keıin monshaǵa barady-aý", "Qoldan kelgenshe qoldaý degen osy", "Joqtan bar jasaý deıdi ǵoı mynany","Jaraısyń baýyrym, maǵan jazshy shyn sharf syılaıyn", - degen pikirler qarsha borady.